Ka thawhpuinu chuan lehkhathawn chu a hawng a, a chhiar a, ka ngaihtuah zui a; Ka college bang chu ka nu hian lehkhthawn pathum hi min pe a, “Due vek lehngal a ti a”, ka zak hle; Tlai khat chu thil hlui ka zawng a, ka rin loh tak maiin ka note bu hlui kar atang chuan lehkha a lo tla a, ka chhiar a, ka nui seih a; Ka office bang chu ka nu in lehkha min pe a, ka chhiar a, ka hamhaih titih a; Ka training-na ah chuan lekhthawn hi min lo hlan a, ka chhiar a, hlim namen in ka hlim a.
Hun rei tak chhung chu lehkhathawn pangai, official nilo, hi ka dawng tawhlo. Kan thawpuinu in official a kohna a dawn khan ka rilru a ka ngaihtuah, ka ziak lovang ka tih ran ran chu ziah chakna min pe a.
Vawikhat chu Champhai ah Science exhibition hmangin kan kal a, zirlai naupangho zinga college zirlai kal awmchun kan nih avangin kan show chu a lun hle mai a, kan hlawhtling hle. Tichuan kan hawn hnu kar khat velah chuan lehkhthawn, due vek hi a lo thleng a, ka han chhiar a, love letter a lo ni hlawm a. Ka nui nasa hle mai. Chutih hunlaia ka chhas chu ka hrilh a, a chhiar chak ta tlat mai, ka phal lova, ti hian ka chhang ta in ka hria “Ka lehkha tur a an ziah, an rilru a awm an tihlanna chu midang chhiar ve an phal ka ringlo a, an zahawmna ka tichhia a ni dawn si a, chhiar lo mai rawh” tiin. Ka tan engmah an nihloh zia leh tunge an nih pawh ka hriat loh thu te, ka chhanlet dawnloh thu te ka sawi hnu chuan a ni pawh chuan a pawm ta dam ta a. Lehkhathawn ka dawna ka luck ber tum a ni awm e J. Hetiang thil hi tunge theihnghilh thei ang?
Kha lehkha kha, love letter chu a nia, mahse last letter tih awm zawk tur tak a ni. (Tu huat thu kan sawi lo anga, ziak duah mai ang aw). Tleirawl lai, duh ve tak maiin min banna thu min hlan mai chu, ka la na hle. Kha letter kha ka la dah tha ang tih ngaihna ka hre tawh lova, ka chhiar leh chuan ka nui nasa hle mai. Tunah chuan pasal neiin mo a ni tawh a, zankhat chu ngaihtuah miahlo hian a mo na inah chuan thianpa ka kalpui a kan inhmu a, min biak hmasak nachang a hrelo a, kei lah chuan lai deuh hian, “I va buai awm ve” ka ti ngawt a. Kum 3 vel chu kan ni ve kha a nia, laih pawh a awm viau e. Tichuan, thil hlui chu ka tiral ta zawk a. A hunlai kha chuan ka la vung ve viau a, mahse kum 10 aia tam a lo liam tak chuan eng hu teh ual chu a lo ni lem tawh lo a nih hi maw.
Tlaia office ban a ka nu lehkha min pek khan tuna ka dinhmun hi a hril thui hle. Kha lehkha kha a hlai si e, eng lam nge nita ang tih ngaihtuah chunga ka hawng chu, “NET I tling e” tih min hrilhna a lo nia, ka lawm luttuk chu ka zuang lo chauh a ni. Kan exam result kha chanchinbu lamah ngaihven ta ange pawh ka ti lova, result chhuah atanga thla 6 hnu vela han hriat chauh chu, a nuam dangdai hle mai.
Kan training na a lekhathawn ka dawn kha, ka lehkhathawn dawnah chuan ka nun tihlim tu, ka rilru khawih ber a ni. A ziaktu kha, a thuziak te chu an phuah pui a ni tih a hriat theih a, mahse a lehkha a milem a ziah erawh kha chu a rilru puakchhuak liau liauva a ziah a ni. Ka lawm na hi hril thiam phak bak a ni, ka nun hi a tikim ti mai ila, ka sawifiah thiam dan a ni e. Nakinah ka scan anga, in la hmu ve mial mahna le J.
Pawla lehkhathawn chu Bible ah kan hmu a, Pu Nehru a lehkhathawn, Indira tana a ziah chu kan zirlaibu ah a chuan a. Lehkhathawn hi kan dawng theuh awm e, kan rilru a cham reng thin lehkhthawn chu eng ber ni ang maw? Tunah chuan lehkha thawn hi kan ziak ngai meuh tawh lova, SMS te, phone te, internet a inbiak a awlsam tawh bawk a. Tichuan, lehkhathawn I dawnah eng ber nge I rilru a cham reng a, I tan a hlu bera I hriat le?
6 comments:
Lehkhathawn dawn hi chu a nuam ani, mahse personal deuh chu ka dawnna chin kum tam tak a ni tawh, bill etc tih vek ni tawh tunlai post chu. Hmanlai mobile phone, internet te awm hma kha chuan lehkhathawn hi kan ziak ve nasa thei. Hostel a awm phei chuan a lawmawm lehzual, postman hi hmuh tawh dek chuan khawlai ah pawh nise ka ta tur a awm em tiin kan zawt ziah.
Ka lehkhathawn dawn hlu ber te zinga mi chu ka naupan laia ka pu in Champhai atanga min thawn thin kha a ni. Kum 6,7 vel ka niang, "Ka tunu fel" ti hian ka pu hian a rawn ziak ngei zel a, a lawmawm thei asin aw.
Lehkhathawn lampang i ziah ka chhiar hian lehkhathawn ka dawn lohna a rei tawh zia min ti hrechhuak uai uai mai, ka han chhut let a, lehkhathawn ka dawn hnuhnun ber chu kum 5 dawn lai a lo ni tawh a, ka lung a leng leh hnahnawh khawp mai...Kum 14 ka nih lai a ni ta in ka sia Love Letter ka dawn hmasak ber kha, ka rilru hah zia te, tuma hriat miah lo a ka awm mai mai pawh ka zak ngawih ngawih lai vel te, min thawn tu pa chunga ka thin rim zia, ten deuh reuh tel bawk nen (mahse ka paih phal chuang miah lo!)..haha...thuhruk na ka hriat loh avanga ka nu te hmuh hlau lutuk a ka lukham hnuaia ka mut pui, ka thawh veleh a ka thingrem hnuaia ka dahthrat lai vel te pawh min ti hrechhuak rum rum ee ka ti...haha...a lo aat theih teh ee, mahse theihnghilh phal chi a ni lo reng reng!
Wow! Min i bawl thiam dawn hle mai a. Kei chu Tuna ka hna a training lai, kum sawm dawn kal ta a ka Nu lehkha bak kha ka dawn tak pawh ka hre lo personal chu.
Card erawh ka dawng ve zauh zauh thin a. Mahse, vairam a ka awm hnu hian kum telin 30% in a tla hniam zuita a. Chuvangin kum rei tak a tang khan card pawh ka dawng tawh lo. ha ha
"Pathian zara i dam ka beisei, keipoh ka dam thatlai a ni e"..ti a bul tanloh chuan hmangaihna lam thu emaw thiante thu emaw ziah a har!
Kan thianpa pakhat chuan lehkhathawn ziah ngei hi a tha e, server a down ve ngai silo a a ti thin. A lekhathawn chu lukham hnuaiah a dah ngei a, current pawh awm reng mahse mombati hnuaiah hla romantic tawk nen a ngaithla pahin a han chhiar ngei a. Kan lo nui tah tah zel mawle.
Kan in ngamtlak bawk a, a lehkhathawn ziahlai, a nute a thawn tur hi dawhkanah chuan a lo awm a. Ka va lut a, ...Ka nu leh pa te in dam ka beisei. Hyderabad ka chhuk thla ta kha..a chhunzawm talo a..ka chhunzawm sak ta a...Ka rui ta reng mai a... A rawn let leh chuan a chhiar ta a, a nuih a za ve ngang mai.
Chulo pawh a bialnu lehkhathawn tur kanlo edit sak leh pek a. A thilziah chuan nuih a ti za khawp a sin... Ka rawn hawn hun chuan kan lungngaihna leh hreawmna te hi buhsi thli in a len bo angin chhem kianin a awm tawh ang... Mak ve tak chu a ni.
Keive thung, english a ziah kha effective deuh tlat a hriatna kha a han awm a, kan bei ve nasa thin a lawm, a content te zawng hotupa fiamthu thawhna bu thenkhat ai hian a nep biklo ang. Ka duh tawk daih te'ng.
@sawmpui@aduhi@esther @vaiva experience in rawn thawh a, ka va han lawm em. A hlu.
Tunlai chu mahni hi kan in kap fawk fawk a nih ber hi maw.
A nuam zawkin ka hre tlat pek a
Hotupa, Due letter sawi takah chuan kan college kal ve laia due letter dawn buaithlak theih zia kha aw.. chengkhat pawh kan ui em em tawh thin si a. THenkhatte kha chuan stamp bel nachang an hriat loh vanga rawn thlak ve tawp thin te kha an ni si a.. Letter hrim hrim dawn hi chu a a nuam ka ti ve khawp mai. A bik takin Phaiah ngat phei chuan.
Ka Love letter dawn hmasa ber chu kan miss hnen atangin a ni a.. kan miss tih lemah keini tak phei chu min zirtir pha chiah lo va, mahse kan sikulah a rawn thawk a, kan inhmu tai ta a ni ber ang chu. A hnu kumkhat velah Phaiah a zirzawm a, chuta tanga Love letter thlum zet mai mi rawn thawn chu vawi 50 vel chu ka chhiar chhuak ngei chuan ka hria.
Khatih hunlai kha chuan Lettera lipstick sen nena hmui thla han nem kai uar lai kha ala ni bawk a, a hmui chak mai khan ka hria a, ka mutpui lo chauh a ni ber mai. Tunah erawh hmanlai ang chang zo ta..:)
Post a Comment