Saturday, February 7, 2009

Leng rei thu khawchang


Mahni chet chhiat thu ziak duah mai teh ang aw. ...

Zankhat chu ka leng kha kan zai tui deuh ni tur a ni, ka haw meuh chuan kawl a eng tan ti tih der mai!. Haw kawngah chuan veng hrang hrang a an vawk talh, kawngpui bula an lo rawh ut ruam te chu ka hmu a. Inrinni zing bazaar a thutna tha chanloh hlau a nu ho lo thu a, an bula napang mu te chuan mit an la hle mai. 

Zai hla vawr a kan lam lai kha chuan a zahthlak vak loh asin mawle, mahse  in thlen mawlh mai kha a huphurhawm. Chhungte kawihthawh mawlh mai kha aw! Hreh tak chung chuan in chu ka pan ta them them mai. Ka ngaihtuah chiang a, Inrinni a ni hlauh mai, chhungte vawksa lei tur thawh hma ni, hui ham, ka thaw huai mai. Tichuan bazaar kal tur chang chan ka thu ran mai a, an chhuah hnu chuan ka veh thla them them a, min barakhaih tu awm se chuan ka thlawk thei hial ang!. Thawk pawh thaw tha ngamlo a ka kal hnu chuan khum chu ka thleng ta, tuman min hmulo e. Khuma ka mutna a ka ngaihtuahna kal zel kha, heti hian

1.   Kan ram ah hian mahni thlai thar zuartute hi an lo va khawngaihthlak em. Kar tluanin ram lamah rim takin hna an thawk a, zirtawp zan hi an tlaivar leh thak thin. In zawhna mumal an neihloh avangin kawngpui bul, ke a kalna ah te hian an inzuar thin. Kan la hau a, police nen kan vau a, thlabar in kan siam si a. An hmel en ila, chaw tha hmuhloh avang leh hna thawh rim luat avanga ni em chan hmel, biang ki van mai te hi, an va zahawm zawk em. “An thlai thar zawrh te hi, a ka dawn tawh lovang, a man an chiar na ang angin  ka lei thin tawh  ang” tiin ka intiam a.

2.     Mizovin vaksa kan duh zia hi chu sawi a siak lovang. Sa talh hi veng tinah, eizawnna tlak a ni hial reng a ni. Hetih lai hian ka sa talh te kan sawngbawl dan  hi a va thianghlim lo em. Mi tam tak hian a kawchhung kan sawngbawl dan hi hmu se an ei duh kher lovang. Kan inchhung mawi tak mai, kan choka changkang te, kan muthmun vanram te thlir chuan ka ei tur, sa leh thildang kan sawngbawl dan hian kan hnam la naupan zia a tilang thui hle mai.

3.   Chungte hian kan ei ve loh leh kan neih ve loh hlauin an thawkrim thin ngei mai. An tan hian ka va tangkai lo em aw. Ka tan a an tih hi engtikah mah ka rul seng dawn silo. An va hlu em.

4.   Zing exer la a tlan te kha an va taima em, khawvar hma in an ti lauh lauh tawh zu nia.

5.   Leng rei nazawng hi an luck tihna a ni kher lo, nula inah an leng pawh a ni kher lo thei. Chu chu ka chiang e J. Lenna tur hriatloh luat vang te pawh a ni mahna, len chhunah chuan ti ngheng aniang! 

 Tichuan “Chichawm” tih a, a chunga thlalak ka tar hi, khami zing ni chhuak thla ka lak kha a ni. Zing ni chhhuah a, nun a in tan a, kan ri nak nak thawm kha a va mawi em. Heng thil ngaihtuah pah hian ka mu ta hle hle a. Lung hlui te pawh a leng deuh roh e!. Nunhlui tahna ti tamtu nilovin, min ti hlimtu, "vanglai" ti a kan sawi ve tur a ni si.


 

13 comments:

Puia said...

Ekhai hotupa,, i thil ziah chuan ngaihtuahna a tithui hle mai ka ti.

Len rei chungchang sawi takah chuan keipawh ka nula rimnaah ka lo hmu hil palh pek a, min kai tho ngam si lo va, dar 2 velah ka harh mai chu.. ka inthiam lo ve chiang khawp mai. Zoramah ngat phei chuan boruak a lo dang lama, ei a lo danglam tawh avangin a tir lamah hi chuan zan dar 9 velah chuan mu hi a chhuak ngawih ngawih duh hle.

Thlai thar zuartute dinhmun i sawi hi a nihna chiah niin ka hmu. A bik takin In lama rawn zuartute phei chu hnar chi niin ka hre lo va, ka awm lai a nih phawt chuan "ka nu lo lak sak rawh" ka tih chang a tam hle. Rit takin an phur a, an zuar kual a, an hralh theih vak loh phei chuan, thlai thar chu dah that chi a ni tawh si lo, an khawngaih awm em em thin a ni. Heng kan kuthnathawktu thlaithar ching leh zuartute tan hian dinhmun tha zawk leh awmze nei zawka hmun kan siam sak a hun tawh hle mai.

Unknown said...

i len rei na awm chu ka hre ruai ruai in ka hria :)

vana said...

@Hotupa Puia muthluk chu... hehe, ka thuziak i lo chhiar thina ka lom e. Kuthnathawktute dinhmun, kan thawh dan, kan technology leh marketting kan chinfel loh chuan kan la changkang har dawn nih hi. Chawhmeh zuar te chu an lawm thin ngot ang.
@miss jill... pawi ti taka a ziah duh chu, KA LENNA CHU I HRE LO TLAT :). Kum tam a liam ta, Nula rim ni ila ka luck om vei... nge luck lo zawk...

EPISTEMOLOGY said...

I len rei teh lul nen, i mut dawnah pawh ngaihtuahna tangkai tak tak ila nei thei a...lawmawm tak zet..! keipawh ka leng rei chang a awm ve fo thin.:)

emMM said...

keipoh ka leng rei thei lutuk a zing tongtai inkhom ka kal nghal law@ thin heh heh

Aduhi Chawngthu said...

eh... leng rei tih khan nula/tlangval leng rei lampang emaw ni dawn ka lo tia, nupui neih te kha i tum sia a nih duh hmel e ka lo tia. Chawei laiin i zai thin emi chutia i lo len rei em em?

vana said...

@hruaia, len rei thu hi chu, tute emaw tih dan takin "fiction"te pawh a ni maithei a ni. hehe.

@ EM, khalamah khan zing inkhawm a awm ve mi? eh!. Leng rei satliah ni lovin pawimawh a i kal kha niang :).

@Aduhi, chanloh khanah a chhuak elo maw? Leng tul chanchin chu ziak ngam chi ka ni hleinem :). Nupui min zawn ru....hehe. Chaw ei lai chuan ka zai meuh lo a, zai hrim2 hi ka zai tlem, bniakinah tih loh :P

Anonymous said...

keipawh nula hi ka rim rei thei lituk a, naktuk-ah te ka hawng ve thin zeuh zeuh :-D

Anonymous said...

A chung ami koment khi keimah : lal-viking-a ka ni e

Jerusha said...

I leng rei em em lutuk a, a van over e ka ti hman a mahse I muthmun a I thil ngaihtuah te a thrat em avang in over ka ti leh ta em em lo che :) Chawhmeh zuaR man dawn hi keipawh ka vei zawng tak ani.

Zorami said...

A ngaihnom! Thlai zuar ho chu zirtawpni zan dar 10 ah ta hian an lo awm tan toh thin...k khawngaih top. Keipoh kawngsira ho mai2 zuar te hi an ti to ltk anih chuan loh chuan dawn vak hi a tul lo ka ti. Rs10 kan inngaihhlut dan kha in ang lo viau maithei asin...mhsc phakar deuh chu ka ti chuang lova :)

vana said...

@jerusha, hotunu in koment a thai har luttuka lung a leng hman alom le :). Chawhmeh zuar ho hi kan khawngaih tlang a nih hi maw. Kei chu lovah ka feh ve thin a naupanlai, bazar ah zing dar 3 vela thlai zuar tura kan kal ve lai kha ka ngaihtuah chhuak uar uar mai.

@Zorami, i lo leng a ka lawm e. Mipui kan tam zel a, hmun a pung ve silo a, hma taka an kal loh chuan thutna tha chan thei si lohva. Mi khawngaih thei tak te chu an eng a thawl e, khawngaih an la hlawh dawn si a..tih a nih kha.

Unknown said...

va ngaihnawm ve!!..ziak thiam hle mai