Khawtlang lunglen

Kumsul lam ang a lo her luia luia a, kum tam a liam ta. Ngaihlai banglo nunhlui dawnin val hi ka kur luai e. Zanraiah ei kham a chhungte hriatlohva zial zuk ruk chak nen kan RV kan pan sang sang a, ti ti khawmuan hnua mahni tuanna mual theuhva liam turin kan in thlah a. Lenghawn ar chuan RV ah min hnawt kir thin. Nuihiauvin zanlai ar chuan tin zai rel turin min khuan hnan ta si thin a. Tlangval that leh a va han chakawm em! Zankhaw tairek ah valtolo zia tak maia leh val senior ianga dar tlemte a haw chang te kha a ngaihawm lehling e. Chhungten kawngka an kalh ang em? tih rilru pu ran chungin tingpui kuang bang han dawt la a nuam si thin a.

Lungkham a tlem a lawmna lah chuti. Inhlawhna hmuh fuh deuh chuan kan in ‘con’ a, hmun reh deuh fan chang lah a nuam hlei hlei. Pachhunga Zing zu sak a mawi zual thin,

“Zu zawng zawng zinga zing zu zet zawng,

Lalthutphah chunga rorel tlak I ni!

Khuavangin zankhuain vengin malsawm che….” tiin.

Youth Idol a hla lar..

‘Ka neihchhun tingtang leh chawlhtui ning zu,

Bansan their eng hian ka mawilo” han tih chang lah a tam.

Thla bial zan mawl klha, khawilai in chung awl lai a dam dap maia C. Vansanga sak,

I chun leh zuate lo hrangin vullai thiah chak hle mahse,

Vawng zel ila kan tiam thudi,

Innghak zel ang, aw khuarei mahse” han sak rai rai mai te kha.

"a fal ten kan in tawng leh tawh lawng e

Zan a rei khua a tlai dawn ta...

Awm min rilh rawh zanin ngeiah.." ti a zai sak lah nuamin.

Hun leh kum chuan tumah a nghak silo, lenrual hlui kan chan a, tuanna mual te a lo dang zo ta. Hringnun lamtluang zawhin kan tul tlang ta, nunhlui chu tap tapin au mah ila mual an liam ta si. Pu zirsangzela hla lenrual hlui in tlip ila..

"D a sei lenrual a kim ta lo,

Ngai ve maw lungrual a lenlaini,

Mittui nen ka fang in run chul hnu,

Tlei dang leng ten zai an lo sa e"