Kum 2007 Mizo idol a an sak hla mawi tak, Zorock-a(ti trah mai ang) hla.. Mi ramah chuan lung len a na e.. lam ang lo let ka nuam e…. An ram ngei ah hlimin an leng. He “Zoram ngaih hla” hian ngaihtuahna a ti thuiin, thinlai a thu mu hnu a kaiharh hle mai. Kan tleirawl chhuah ve lai khan “ram leh hnam humhalh kum” tih hunlai leh Hnama chian in zirtir hunlai kha a ni bawk a, kan tunlai Globalization rilru nen chuan kan ngaihdan a in persan hle mai. Khatih hunlai a thu ka hriat reng pakhat chu hnamdang pasal a nei, ramdanga awmthusawi kha a ni. Ti hian a sawi a-Hnamdang pasala neih chu kan thatlai leh dam chuan hrehawmna hran a awmlova, mahse kum a lo upa a, lunglai a fing a, kan hnam zia leh tih dan te, kan tawng a tawngpui tur te an lo awmlo a, kan upa tawlh tawlh a, a hrehawm tawlh tawlh a ni.
Ram dang, hnam dang nupui pasal innei kan tam ta hle a, a that leh that loh chu a neitu tur thu thu a ni. Hnam a chiang i ti te erawh chuan hnamdang tawnah par ang kan vul hauh lovang tih hi kan ngaihdan a ni tho tho si a. Hmangaihna chuan vunrawng te, ramri leh hnam a thliar lova, mahse kan hmangaih hma a kan tlanchhiatsan ngam chuan, a aia thuk a in tatlut lovin kan awmthei ngei chuan a rinawm.
No comments:
Post a Comment