Zanin ka online chu Mi(sual).com ka bih thuak a, November ni 7 hi kum 2005 a Dulte khaw dai a an hauhuk humhalh misualin an kah cham a lo ni a. Chutih lai vek chuan History channel ah hauhuk an lo lang ve a. Delhi khawpui a zawng tam luttuk chuan buaina a thlen thu an tarlang a, 21st October 2007 khan Delhi Deputy mayor chu heng zawng ho vang hian a thih thu an sawi bawk a. Tichuan India ram khawpui ber Delhi sawrkar chuan zawng te chu control a tum ta a. Chung zawng umbo tur chuan an aia lian Hauhuk a ruai a, hauhuk leh an pu te chuan chung zawng te chu an umdarh thin a. Zawhna lian tak awm chu- An zawng um darh te hi khawnge an kal tak ang? Veng pakhat atangin veng dangah an insawn mai a lo ni a. "Happened only in India" ti phawt ang. Kan ramah chuan zawng tlem luttuk kan buaipui a, vai ramah chuan zawng tam luttuk an buaipui a.
A dang leh: Zonet news chuan Aizawl tui lakna Serlui tur(poison) hmanga hrai anih thu a report a. PHE Department ropui takin a report theih chhun chu Dissolved Oxygen(DO) level a ni. An DO meter hman hi Eutech Company siam, hand held series, Ecoscan an tih ang chi kha a ni a tur(poison) leh DO level in kaihhnawina a awm silo. PHE Chief chemist chuan a hma kar a hrai an awm thu a la sawi zui. Enga tinge he thu a hriat hian investigation a tih loh? Tichuan chu Department ropui tak chuan an thiam zawng zawng sawm khawmin Aizawl leh Tlawng a tui an khawl khawm chu mipui him nan an paih ruak ta vek a.
Serlui hi hmanah pawh an hrai tawh, an la hrai leh thin pawhin a rinawm. Hetiang reng anih chuan kan tui tlan a thianghlimlo reng dawn a ni. Aizawl mipui sang tam tak chawmtu pawimawh a nih avangin mipui tawlh pawh phalloh hian siam law law se, kan MAP leh MRP ho hi ven tir tawp se a tha mai lo a mi? Luidungah nitin patrol an in tir anga tichuan kan tui hnar tur(poison) a hrai a tlem ngei ang.
Delhi zawng umdarh ang mai hian a solution ngaihtuah lova, tur a an hrai apianga paih ruah policy hi kan adopt dawn anih chuan pawi tam a la thlen ngei ang. Aizawl khawpui ti mangang duh apiangin Serlui an hrai mai dawn asin!. Happens only in Mizoram- ti leh mai ang
8 comments:
Serlui chu CISF ho ven tir mai chi anih hi mawle, Airport leh hmun hrang hrang tepawh an venghim theia :)
Ni e, i sawi dik khawp mai. Han paih ruah ringawt hi chu a solution a nilo a lawm.
A hrai tu te chu han man se, vaw tawih tawih se ka van ti.
TDS an tih mai hi pollution control board lam chuan an ngai pawimawh deuh ber mai hian ka hria..PHE lam chuan an rawn ve mai lo em ni aw??
zawng vai ho zing atam chhan chu an Pathian pakhat hi zawng ang hmel mu leh taksa nei anih vang ani e ..ti a chhutna pawh ka chhiar ve tawh tak kha maw le..ramsa dang an awm tawh mang lohna hmun ah pawh zawng an la tam viau theihna chhan pakhat hi chu...
a eng a pawh nise la mihring chauh lo chu zirtir an ngai lo..tih anih kha maw le..i ngaihtuahna hi literature lam a kan mi ril te ho nen kan vawn tlat theihna tur in han duang chhuak chur chur zel mai teh u..!
ka lawm e!
OT lawks. Hotupa, hmanniah Tawia'n i thusawi min hrilh a, ka lawm hle mai.
A inman fuh hlawm hle tak mai, nia mahni vei zawng zawng hi han phuhchhuak hlawm thin ila, kan RAM hian mamawh a ngah em e..!! I thawh loh chuan tu nge thawk chuang ang le, pheilai vawrin han thawk chhuak ta poh che le, i hnung kan lo zui nang e.. lolz
khua a lian a, kan changkang kan tih viau lai hian tihtur lo tam tial tial mai a ni awm e.
Ramsa humhalhna thinlung thangtharte thinlunga tuha a awm chho zel hi a ropui e.
Zawng leh tura hrai...ngaihnawm e. Hman deuh khan kan Univ-ah hian a rawn tam thei lutuk a....an nghalsia ninawm trep a ni.
Post a Comment