Chukchu* te hi rannung maksak tak an ni. Mithiam ten an sawi dan chuan, "Atom bomb pawh hi puak in mihring te hi mang vek mah ila, chukchu te hi chu an dam chhuak ang" an ti thin. Tak tak nge chu ka hre lova, mahse an damkhawchhuana hrui hi chu a fei hian ka hria.
Zanlaai han thawha, eng hmeh rual a thimtham chuha an tlan dial dial hmuh chang hi chuan mit a kham duh phian a, tin eitur te an lo bawm ang tih a hlauhawm bawk si. An tam viau phei chuan an inthlah pung zel ang tih hlauhna nen, ral te beih a beih ka tum ta a.
Indona chu kan tan ta, tel, spraying bottle leh deltamethrin* (Buttox)nen ka tang a, an ni lam inringlo chu ka bei ta. Chhunah chhuar ka dah ruak a, ka phuh ta ser ser mai. An kalkawng awm nia a ka hriat te chu bang kil nen ka phuh chhuak vek a, a rim a reh hnuah bel te leh thildang, chhuar a mi chu ka dah let leh a. A ni, heti hian a lo awm ta a, zana ka thawh chuan an lo thal phung mai. Kar khat a liam ta, eng hmeh en ruala tlan hmuh tur an awm ta lo. Ka hneh ta nilovin, ka tur a la thawk a ni ang e.
*Chukchu- Common cockroach (Periplaneta americana)
*Deltamethrin- Insecticide, neurotoxin(common trade name Buttox, K-Othrin)- He damdawi hi a hmang thiamlo leh instruction uluk taka chhiar peihlo chuan hmanchiloh! Tin, thosilen chhiah, malaria venna atana an hman k-othrin pawh hi deltamethrin tho a ni, mahse a concentration a chak vaklo. A bur khat hi tui nen a pawlh dal fe hnuah hman chauh a ni. A haw tan chuan tlem a thak neuh neuh a thlen ve thei a, mahse a nasa lem lo.
Chukchu chalk- Chukchu chalk ah pawh hian deltamethrin tlem an telh .
13 comments:
Chukchu! Lawngah hian sazu nen hian an tam thei lutuk a. Theih patawpa tur leh hlo hmanga tih pawh hian an rem hlei thei thin lo.
Kan thianpa pakhat hian Sailor and cockroach can survive anywhere a ti thin a. Ka hre chhuak zawk
Ka comment tawhin ka hre sia, a bo daih mani leeee????
Chukchu chalk i tih ang hi magic chalk an tih mai, fanghmir pawhin an huat em em kha a ni em aw? Ka hmang thin a, a tha khawp mai. 'Chukchu benthelh ang' tih te kan nei a. Hetiang chemical hmanrua nen chuan ben kher pawh a ngai tawh dawn lo a nih hmel e:)
@vaiva lawng a infestation chu in pu te hnenah report chi :). Chukchu hi chu eitur a awmna ah chuan an awm zel a, eitur chhin phui hi a tha khawp mai. A lo nung tlang ru... ti mai ang.
@varte i koment chu ka la hmu miahlo.. poi ve a lo bo nih chuan..ka delete silo.
@faka, magic chalk an lo ti a mi? ka hre lova a in ang tho maithei. Deltamethrin a awm chuan a tha ang. Nerve ah a thawk a, voi leh khatah an thi mai lo. Chemicals hi hman thiam a pawimawh, hman ltk erawh a poi.
Thil dang daih chu far thing atanga siam hovah chian chukchu an awm tha duh miahlo an ti.. khasi hovin. Shilllong a kan awmlai khan kan room ah chuan chukchu hi a awmlo tak asin
Chukchu hi ka ka ning khawp mai. Ka hmuh apiang chu ka raphlum nghal zel.
Mahse Aizawla chukchu lian ho hi chu ka rap tawp. Khawiahmah chungtiang anga lian hi ka la hmu ngailo. Aizawl ah chauh hian a ni ka la hmuh. Lian tawkkkk, a rawn la thlawk fiau fiau zui hi chuuuu... towel ka hmuh hnaih ber hian vawi thum vawi li vel kan hlap ve a, chuan a tawpa tawpah chuan ka chak zawk ta a, zu rah pawn, slipper khuar duk thei ang chi hi... rah perh pawn ri vak hi... chips "Lays" tih ang vel packet, motor a rah perh ang sound rawn siam hi... a rapthlak tawp!
Chukchu hi Dinosaurs hunlai atanga khawvela awm tawh angin an sawi ani lawmi. An rei ve tawh khawp mai - 'Joe's Apartment' tih film kha i entawh em. A nuihzatthlak teh mai ania, chukchu pakhatin dawhsâna ding vâng pahin, "We shall rule the World" a ti ve chhap kha mawle. Tihrem chi pawh annih hmel meuh loh e.
P.S. Blog i nei tihreng ka lo hreloa, kan ling nghal teh ang che :)
In ling su. "Make love, not war" an tih kha :)
@Chhangte_II-Engatinge min 'ling' ngot le, ka tuh ve mawi teh ang che... Thanks!
@Bro chukchu lian bik kan lo nei elo mizo ho chuan :)
Thawkkhat lai khan chhukchu te chi hi kan inah hian an tam khawp mai a, kan that thin a, an rem thei chuang siova. Hetiang rannnung ( insects) that thin ho hi kan ko ta ngawt a.
Ekhai hotupa, chukchu beihdan ringawt pawh ngaihnawm takin i ziak thei mai a. Hriat ve ran tawh tur a nih hi.. An rim a chhiain an rap awm ruriau hian ka hria a. Ka mit an tikham ve thin khawp mai..:)
Chukchu hi chu an ninwm ngawt mai.Nan fuh chuan lainatna tel hauh lovin slipper in ka vaw per thlawrh zel.
@Seki..exterminator chu min ko mai lo nia :)
@Zawlbuk, hotute lo leng lut hlawl mai. Ka nuih a za seuh tlat. Ziah tur hre lo luttukin chukchu beih dan han ziah chuh.. pasaltha/ramvachal te an hre riau riau ang tih a hlauhawm e
@mesjay.. chukchu ho hi an nghal hrep a. WWF ho pawhin an ni hi chu an humhalh vak lo, lo vaw pherh duai duaih rawh
eikhai va dang dai veo.. ka cianna chu!!! chukchu chalk chu ka hmang ve zeuh2 reng a, a thok pohin ka ce lo... rah hum pherh duai hi thra berin ka ce mai... damdoi dang thar lo chhuak se kan va ti em!!! mahse Mihring huat loh ni thei sela tiro?
Post a Comment