A in man fuh tlat

Zanin ka online chu Mi(sual).com ka bih thuak a, November ni 7 hi kum 2005 a Dulte khaw dai a an hauhuk humhalh misualin an kah cham a lo ni a. Chutih lai vek chuan History channel ah hauhuk an lo lang ve a. Delhi khawpui a zawng tam luttuk chuan buaina a thlen thu an tarlang a, 21st October 2007 khan Delhi Deputy mayor chu heng zawng ho vang hian a thih thu an sawi bawk a. Tichuan India ram khawpui ber Delhi sawrkar chuan zawng te chu control a tum ta a. Chung zawng umbo tur chuan an aia lian Hauhuk a ruai a, hauhuk leh an pu te chuan chung zawng te chu an umdarh thin a. Zawhna lian tak awm chu- An zawng um darh te hi khawnge an kal tak ang? Veng pakhat atangin veng dangah an insawn mai a lo ni a. "Happened only in India" ti phawt ang. Kan ramah chuan zawng tlem luttuk kan buaipui a, vai ramah chuan zawng tam luttuk an buaipui a.

A dang leh: Zonet news chuan Aizawl tui lakna Serlui tur(poison) hmanga hrai anih thu a report a. PHE Department ropui takin a report theih chhun chu Dissolved Oxygen(DO) level a ni. An DO meter hman hi Eutech Company siam, hand held series, Ecoscan an tih ang chi kha a ni a tur(poison) leh DO level in kaihhnawina a awm silo. PHE Chief chemist chuan a hma kar a hrai an awm thu a la sawi zui. Enga tinge he thu a hriat hian investigation a tih loh? Tichuan chu Department ropui tak chuan an thiam zawng zawng sawm khawmin Aizawl leh Tlawng a tui an khawl khawm chu mipui him nan an paih ruak ta vek a.

Serlui hi hmanah pawh an hrai tawh, an la hrai leh thin pawhin a rinawm. Hetiang reng anih chuan kan tui tlan a thianghlimlo reng dawn a ni. Aizawl mipui sang tam tak chawmtu pawimawh a nih avangin mipui tawlh pawh phalloh hian siam law law se, kan MAP leh MRP ho hi ven tir tawp se a tha mai lo a mi? Luidungah nitin patrol an in tir anga tichuan kan tui hnar tur(poison) a hrai a tlem ngei ang.

Delhi zawng umdarh ang mai hian a solution ngaihtuah lova, tur a an hrai apianga paih ruah policy hi kan adopt dawn anih chuan pawi tam a la thlen ngei ang. Aizawl khawpui ti mangang duh apiangin Serlui an hrai mai dawn asin!. Happens only in Mizoram- ti leh mai ang

Heti hi a lo ni

Hmanhmawh pheleng chuan ka tlan chhuak a, traffic a jam loh chuan ka la nang hman ngei chuan ka ring. Tichuan tluang takin ka tum ram chu ka thleng ta a. Mipui an lo thathnem deuh avang chuan thutna hmun tura min lo ruahman sak lam pan pawh a harsa ngei mai. Tlai taka kal e ti lo chuan tlar hmasa berah ka va thu a. Function ah chuan CM meuh a lokal avangin media lam poh an tha thawkhat a. Zan lam news ah an lo tilang a, ka lo lang ve voh voh a ni awm e (Thiante sawi danin) "Kamis hman thiam nen tlar hma bera i thu kan hmu che" an ti a.

Function zawh chuan tluang takin in ka thleng a, ka in thlak chu ka nui thaw mai. Nalh taka inchei ni a ka in hriat chu tihian a lo ni , ka mawza bun chu a lo in khing lo reng reng chu niin! ."Pawn lam landan a puak ti pawh hi chhungril belchian tlakloh an awm anih hi" tiin min ngaihtuah chhunzawm tir ta daih mai.

NLUP Quo vadis

"Kan sawrkar chuan NLUP tha mi Rs. 100,000.00 chhung tinah kan sem ang" ti tu te an sawrkar ta, NLUP chu kalpui tan tur a ni. Pheikhai an vawr a, Mautam sazu lianchi ho an phe leh ta suau suau mai. NLUP lam sawi hmain khawvel tukverh thlir zawk ila.
BBC chuan Somalia ramah World Food Programme (WFP) hnuaia centre thenkhat chu pawisa neihloh avangin an khar tur thu a puang a. ( http://news.bbc.co.uk/2/hi/africa/8256031.stm). World financial Crisis avangin ram hausa ten harsatna namen an tawk mek a, ram retheite tanpui an harsat tan ta. "Khawvel boruak in lumlet dik takloh avangin Spain rama Olive ching mi hausa ten an tuar" tih thawm a lo ri leh a. UNO chuan khawvel ah "Food crisis" a thleng mek a, a thleng zel tur thu a chhuan bawk a. Chutih lai vekin India rama state 10 a district 532 chu a hun taka ruatui a tlak loh avangin khawkhanna hmunah an puang a( http://www.business-standard.com/india/news/252-districts-in-10-statesdrought-affected-fm/71922/on).
Kan ram dinhmun han en hian hmabak a ko hle mai. Kan ramah hian tam thleng ta se, min puitu tur India sawrkar leh khawvel sawrkar dang tam ve ta vek se, engtin nge kan awm ang? Kan thawmhnaw man tamte, kan car man tam te, kan mobile man tam te, kan in ropui te, kan music ngihthlak changkan te zawng zawng hian min chhan thei dawn silo. Changkanna der a ni mai lo maw hetianga changkan hi le?
"NLUP a awm alawm" ti ta la, i rilru chhungril ah chuan a nung lovang. NLUP hmang hian sawrkar hian hma la dawn se khawi lai ram ah nge hma a lak ang? Kan ram a ram ngaw tha lai hi a tam ber chu Sanctuary leh National Park an ni tih i hria em? Ram tha leh mipui mimir in kan hman tangkai theih chu mimal ram a ni vek tawh tih kan hria em?. Lo neitu tan chuan kumtin an lo panna tur kawng zawnchawp a ngai tih i hria em? Mi hausa te chuan an mamawh bak a tam ram an nei a, hmun tin hmun tangah ram an nei fer fur mai. NLUP hi a policy tha mahse hma lakna ber tur ram a hlat a, a van tlat si chuan a hlawhtling dawn lo. Hetiang scheme MIP/NLUP hlawhtling tur chuan Punjab state in India Independence tirh a an tih, "Land Reform Bill" chu kan tih ve vat a ngai a ni. NLUP hi land reform tello chuan engtin nge a kal zel dawn le?

Chanpual hauh a na

Tunalai Aizawl a boruak inmung chu University hna lakna tura advertisement chhuah dan chungchang a zirlaite lawmlohna hi a ni awm e. Mahse helam hi chu sawi a tam tawk tawh a, a dang deuh sawi teh ang. Mizoram ah hian Central Institute a awm ve ta nual a, heng a thawk tur lak dawn hian Central dan dinglai anga SC/ST reservation zat bituk a ni thin. Mizoram ah hian heng Central hnuaia hna thawk tur an lak thar ah hian SC quota a lut 90% hi chu kan thenawm State Manipur atanga lokal an ni ti ila ka sawi sual tam lovang. He thil hi chiang taka ngaihtuah a ngai. He thu hi ka hmu fuh hlauh a,

"The 2001 census report showed that the population of SCs in Manipur had risen by over 200 per cent in just 20 years. This prompted the Lois to point fingers at those who had obtained SC certificates ‘‘fraudulently’’.

http://www.indianexpress.com/oldStory/77644/ atanga lak chhawn, chiang zawka en duh te tan a link hi en mai tur.

Ngaihtuahna ti thui tu tingah IAS officer pension pakhatin SC certificate lem lei tur a awm tih a lo sawi zauh bawk nen.

Kan thenawm State a mi te hi ka hua a nilova, mahse an quality en hian kan ram Zirna in leh Office a thawk tlaklo an tamzia hmuh hi chuan vei a awl duh khawp mai. Manipur ah hian SC chu an awm ngei mai, chungte chu Loi, Yaithabi, Dhobi, Muchi or Rabidas, Namsudra, Patni and Sutradhar (http://ssamanipur.nic.in/SCST.htm) hnam te an ni. Mahse SC quota a an lak tam zawk hi chu 'Singh' tih te an ni leh daih si a.

Heng kan thenawm hnam te hian an State a hna har zia an hria a, thenawm state a SC Qouta chu an awt a, an lo lut ta angah ngaihruat theih a ni. "He thil hi inchimralna chi khat a ni" ti ila kan tisual tam pui lovang.

Engtin nge kan tih tak ang le?

Tlai tla engmawi

Cham rih la tlaitla eng mawi no ri riai..

Tlai khat ka thianpa in leng turin min chah a, ka haw tur min chelh a, thingpui in muan pahin kan titi a. Chutia kan titi lai chuan ka han hawi chhuak a, ka lung a leng ta tlat mai. "Hei hi maw an sawi khawtlang lunglen chu" ti ta ila, ka hun tawn chu ka sawi sual lovang. A leng vawng vawng a ni ber.

Ka haw a, thlalak ka han enlet a, kan ram mawi zia hi hrilhfak tlak a nihzia ka hmu chiang hle mai. Ka rilru a awm leh chu hei hi- He ram hi ka ram a ni, hei lo chu ram dang ka neilo. He ram hi ka hmangaih loh chuan hmangaih tu dang an awm chuanglo. He ram hi ka ram a ni. A chhiat a that ah mawh ka phur a. He ram mawi tak hi ka ram a nih hi!

Vawiin chu

Vawiin chu meeting kan nei a. Sawi ve tur ka hre lo, kei aia hria ten an sawi ngithla a darkar 2 chuang thut chu a ninawm duh kher mai. Chutia ning taka ka thut lai chuan a sir room te ah chuan mei ka zu ru a :). Ban hun a lo nih chuan committee thu mum pawh hre mumal lo chuan ka haw ta a.

Vawiin chu motor a tlan ka chak tlat mai a, traffic awmlohna lamah ka haw a. Haw khawngah chuan Sting feat Sean Paul- Roxanne kha ring tawkin ka ngaithla a, lu ngahahna ah lu nghat der der chungin chak deuh tak hian ka tlan a. A nuam ngei a, ka dam hawk hawk hian ka hria. Chutah Warrant hna- Blind Faith ngei kha a lo ri ta. Midang awm ve heklo, ring luttuka kan zaipui chu ka inthlahrung lek lek mai.

Stress zualpui tih reh nan chuan a tha narawh e.

Chukchu!

Chukchu* te hi rannung maksak tak an ni. Mithiam ten an sawi dan chuan, "Atom bomb pawh hi puak in mihring te hi mang vek mah ila, chukchu te hi chu an dam chhuak ang" an ti thin. Tak tak nge chu ka hre lova, mahse an damkhawchhuana hrui hi chu a fei hian ka hria.

Zanlaai han thawha, eng hmeh rual a thimtham chuha an tlan dial dial hmuh chang hi chuan mit a kham duh phian a, tin eitur te an lo bawm ang tih a hlauhawm bawk si. An tam viau phei chuan an inthlah pung zel ang tih hlauhna nen, ral te beih a beih ka tum ta a.

Indona chu kan tan ta, tel, spraying bottle leh deltamethrin* (Buttox)nen ka tang a, an ni lam inringlo chu ka bei ta. Chhunah chhuar ka dah ruak a, ka phuh ta ser ser mai. An kalkawng awm nia a ka hriat te chu bang kil nen ka phuh chhuak vek a, a rim a reh hnuah bel te leh thildang, chhuar a mi chu ka dah let leh a. A ni, heti hian a lo awm ta a, zana ka thawh chuan an lo thal phung mai. Kar khat a liam ta, eng hmeh en ruala tlan hmuh tur an awm ta lo. Ka hneh ta nilovin, ka tur a la thawk a ni ang e.

*Chukchu- Common cockroach (Periplaneta americana)

*Deltamethrin- Insecticide, neurotoxin(common trade name Buttox, K-Othrin)- He damdawi hi a hmang thiamlo leh instruction uluk taka chhiar peihlo chuan hmanchiloh! Tin, thosilen chhiah, malaria venna atana an hman k-othrin pawh hi deltamethrin tho a ni, mahse a concentration a chak vaklo. A bur khat hi tui nen a pawlh dal fe hnuah hman chauh a ni. A haw tan chuan tlem a thak neuh neuh a thlen ve thei a, mahse a nasa lem lo.

Chukchu chalk- Chukchu chalk ah pawh hian deltamethrin tlem an telh .

Its OK

It’s ok if your tyre got punctured at night and if you have a spare on the booth.

It’s ok if the spare tyre is punctured too and you have a friend willing to take you to the repair shop.

It’s ok if one repair shop is closed; others to surf.

But its not ok if you that repair shop you find have no repair man !.

What if you forget your mobile on that roadside?

Its ok if a friend is willing to look for it, but if the key to their car is in the pocket of the one who helps you with his bike?

Then you go all the way back home to borrow a friend’s spare tyre. What if he tyre don't fit? Or looks like they don’t fit into the vehicle? Then you found that you need to turn the jack up a little higher, voila.

After all the drama, you reach your destination. What if you accidentally locked yourself out and that key is still inside of the vehicle? Then, it’s ok if you know how to jack a car. What if you accidentally drop that small torch light (lighter torch) inside the car door?

What happens if it rains heavily on your way home and the fastest sped of your windshield wiper is not enough to wipe of the rain?

oh me poor me!

It might happen

"Every man wants a wife who is beautiful, caring, understanding, good cook, economical... but the law allows only ONE WIFE" A funny line from Funny Sms book. 

            Men and sport, we love 'em play and those who dosent play watch it. We love watching football on weekends, Saturday night live and Super Sundays. On Sunday we (at least some) watch Moto Gp or Formula One races. Sporting world and the sport centres, we love them. Cricket, oh its so boring for those non intrested persons; exciting for those who play the game, the T-20 tourneys are awesome. Men!. Ladies world-the soap operas etc..

            So, where would you find a girl who loves sport, support an EPL team as passionate as yours, watch the thrilling formula1 and Moto Gp races, Loves tennis as much, cheer every 6 in a cricket match, cheer every point in an NBA game, makes tea during the commercials and join you till 2-3 am to watch the UCL? 

Do you have any clue to find such a girl? A man who let go such a girl doesn’t know what he is missing :). But hang on tight, you might find one because life is full of little surprises!

A simple thought

That's what makes you "that guy." 

I remember this quote from the movie "die hard 4"

A friend  told me, recently, something about me, which she finds "unique & intriguing", but which I miss to find it myself!

A friend once or twice, by pure mistake, called me "a pa" (Daddy). Daddy's figure perhaps.

A friend once said, 'You have a soft spot', yet again i missed that spot.

This leads me to the thought, 'That's what makes you that guy'. People fall in love, get married to our so called "soulmates". We all finds that uniqueness in a person and that same thing leads to another. That unique personification of another human inside our head makes us closer, to tie a bond, at least in many cases.

So, my question is, for that someone in your life, what is the reason that identify you as "that guy" or "that girl" (Do you have a reason to smile)

ZOKHAWTHIANG LAMTLUANG

Zokhawthiang hi a hming thin chu Kani a ni a, Mizoram Hmar tawp, Assam leh Manipur ramri bul a awm a ni. Sawrkar in Mizoram chhunga khua, vai hming chawi ho a phuah that khan “Kani” atangin “Zokhawthiang” ti a thlak a ni . He khua ah hian in 38 a awm a, a mi cheng te hi Hmar hnam an ni. An in te hi hmanlai Mizo in, di in a ni tlangpui a, rangva in chu a awm ve pheuh pheuh bawk. Zirna in pakhat, primary leh middle in kawp a awm a, mahse pindan pathum chauh a nei thung. Zirlai 50 bawr vela an awm ve bawk. SSA Hmalak na hnuaih building tha tak an nei. He khua atang hian Pawl 10 pass pakhat awm tawh a, midang pakhat in a zir ve mek bawk. A khaw mipui te eizawnna tlangpui chu Loneih a ni a, luisa, a bik takin chengkawl a tam hle. Eichawp dawr pakhat, kuhva dawr pahnih leh thingpui dawr pakhat a awm. Kohran chi thum an awm a, a tam ber Presbyterian niin UPC (NE-I) in an dawt a, UPC(Miz) in 2 an awm ve bawk. Loneih a eizawng an nih avangin an khawsak a harsa em em a, an chaw ei vet u nih a in thlhrunawm duh hle. Electric thirhrui a thlen loh avagin in tin mai chuan solar module an hmang a, a environment friendly hle. Mobile network a awmlo a, WLL erawh a chang changin a hman theih a, minute khat biak ah Rs.7 chawi a ngai a, kan kal lai erawh chuan a lo chhe hlauh a.

Map Aizawl- Zokhawthiang

A kalkawng: Zokhawthiang hi Aizawl atang chuan km 200 bawr vel a ni a, Mizoram map hlui ah chuan Kani tiin a hming a chuang a. A kal kawng chu, Aizawl- Sesawng-Khawruhlian, Darlawn,  Ratu, Sakawrdai- N. Tinghmun- Zokhawthiang. N.Tinghmun atanga Zokhawthiang hi Jeep able road niin a kawng a te hle. Km 10 vel niin darkar khat leh a chanve vel tlan a ni.

Tawnhriat thenkhat

•  Tui harsat zia mawlh mai kha aw. Inbual tur chuan khaw dai lui te pan a ngai a, ke a kal chuan haw lamah kan thlan huh leh vek a, inbual faiin awmzia a nei tlem hle. Tui chawina a hlat avangin hmai phih leh ha nawhna tur ringawt pawh inthlahrun awm tham a ni. Vanneih thlak takin mineral water kan keng hnem hlauh a.

•   Ek in mawlh mai kha! Ka zing tho inthiar turin an ekin ka pan chu beisei a sang ngeka hawi hai der mai. An ekin chuan kawngka a lo neilo a, zan thim a ka inthiar ta lo kha inchhir thlak tak a ni! Plastic commode chu an hmang a, mahse khur hran a neilo a, a luang chhuak tawp mai a. Chhuak tawh si hek, ka thut ve luau kha.

•  Zan mut huphurh thu- Nileng a motor a tlan chau ti lo chuan mut kha ka huphurh tlat mai pek a, a chhan chu chukchu an ni!. Ka tlai leng haw chu ka thlen in pa nen ka titi a, ka hnungah hian thil vak hi ka hria a, ka man a, chukchu pa lian tak mai hi a lo ni a. Zan a kan titi lai te chuan chukchu hi ke ah te, banah te an rawn vak lawn thin a, anni lah chuan engah ngai hek suh. Muthilh lain taksa ah an rawn lawn anga, ka ah te hian an vaklut riau riau ang tih ka hlau a. Zan mut hun a lo thlen chuan ka thosilen ken chu uluk tak mai hian ka bilh lut a, thosi aiin chukchu ka hlau zawk a!
  

• Thingpui thak kha aw… Duhsakna avangin kalna apiangah chuan thingpui thlum min lo lumsak thin a, mahse an thingpui chu a thak hlawm a. Bungbel an ngah loh avangin an hmar bai siamna bel ah thingpui an chuang thin ni fa hmiang ka ti mai.

•  Chawhmeh thak hmeh chuan digene ei uluk a ngai.. An chawhmeh ah khan hmarcha hi an uar thin hle mai. Zanriah ah duhsakin Ui min lo talh sak a, ei tura kan kil chu uisa buhchiar min suah a, a thak hle mai lehnghal a. Uisa buhchiar thak leh chi chauh chawhmeh a rin chuan, “chaw puarin nge ka puar tui puarin aw?” ti a in zawh awl duh hle.

•  Kalkawng kha tawngtai uluk a ngai hle mai!. Jeepable road, motor leng tawk tawk kha  a ni hlawm a,  kham panga tlan lah a tam,c ke a za duh thin hle. Hnimhnawk, mau leh thing thenfai lawp lawp la a tam. Kal lamah zuhrei hawng lam ang main kan chuk ngar ngar a, haw lam a chho elh thin hle bawk. Kan haw dawn zanah tih tak meuhin ruah a han sur mai chu muttui a har ngei mai. Kalkawng a ping anga, a khua ah cham belh a ngai ang tih mawlh mai kha ka hlau a. Khua a var hnu a ni eng mawi tak lo lang chu, khawilai nula hmeltha ai chuah hmuh a nuam zawk daih mai!.
  

  Ka rilru a cham reng chu an khawsak harsat zia leh tih theih van zia kha a ni. Sawrkar tan lah khaw mawngping, in 38 awmna han cheibawl vak khan awmzia a nei tam silova. Khaw kawng kar a hla a, motor lah thal va ek char lai bakin a tlan silo. An thlai thar te chu hralhna an nei lova, Manipur lama an kalpui lahin hel hovin chhiah an chawitir bawk si. An khawngaih thlak hle. Ka ngaihtuahna tithui tu dangleh chu, “kawngpui hi thing lah mau, ramsa te helma” an tih hi a ni. Kawng a tlang takah chuan an ramngaw tha a thing te kha an zai thin a, kawngpui bulah chuan thingzaina hlang hi a lo indawh fur mai si a. Tun tum ka zin zet chu a nawm dan a dang a, mihring dinhmun, khawpui leh thingtlang in thlauhzia ka hriat chian phah a, hlawkna tam tak ka char chhuakin a nawm dan erawh a dang deuh.

Zokhawthiang Biakin

Solar power
Kangvar
Naupang te
A khua
Khua
Inbualna hmun
Uisa buhchiar

Zinkawng
Zinkawng

Chichawm- keimaha a tobul

'Chichawm' Chi-chawm- Chawh chawrawi, chawh pawlh tihna a ni thei awm e. He hming ka hmanna chhan tawite in ka han ziak ange.

Vawi khat chu thingtlang tlangval pakhat hi pawl 10 a fail hnuah Aizawl a Hostel pakhat ah chawchhum (cook) a inhlawh turin a lo chhuk a. Mathematics a thiam avangin hostel naupang te chuan zan lamah an rawn thin a, mi taima tak leh mi in zirmi a nih avangin pawl 10 chu exam leh in  a pass  a. Chawchum atang chuan middle school lamah mathematics zirtirtu ah a kaisang a, high school ah Mizo a zirtir bawk .Chawchum atanga zirtirtu a kaisan duhtawk mai lovin zing college ah a zir chhunzawm a, P.U, B.A leh a hnuah M.A thlengin a pass chho ta a, tunah chu ama pualin school a nei ta hial a.

He mi tumruh hi kan zirtirtupa thin a ni a. Lehkhabu pakhat "Chichawm bu" ti a hming a vuah hi a nei a, zirlai pangai bakah hian class ah min chhiar sak thin. A kutziak nalh taka a ziah, a kawm hnum hlaraha a siam hi a lo keng thin. Thu ngainawm, maksak leh dangdai hrang hrang a lak khawm, mizo tawng tluangtlam, nalh taka phuah a ni. Ngaihnawm kan ti in kan ngaisang thei hle a. Kha lehkhabu ka rilru a cham reng thin a hming chawi deuh in "CHICHAWM" hmingpu, blog ka lo siam ve ta reng chu ni in. Amah Pu Kimtea rilru leh a chhung thu awmte chu tluk rual awmlo, a ne pawh ek pha lo mahse, amah ngaihsanna rilru avang liau liauvin he ziahna hmun hi a lo chhuak a ni e.

The truth will set you free

Hip hip hip hurah!

Ten things about lies

1.               Lying is the number one reason that people lose trust.

2.               The most common reason that people lie is to avoid confrontation

3.               Another common reason people lie is to make themselves seem "better" or more interesting. This sort of lying can be a sign of low self esteem, problems at home, or depression.

4.               Lies are like dominos - one lie can knock out whole relationships, destroy entire aspects of your life or even limit your future in unforeseeable ways.

5.               Lies are a gamble. Every time you lie you gamble with being caught.

6.               Lies have a way of getting out and coming back to haunt you.

7.               The worst lies are the ones you tell yourself. When you lie to others you are also lying to yourself.

8.               Chronic lying can signal a psychiatric or social disorder.

9.               Lies can damage your self image and cause inner conflicts (like dissonance) that drastically change the way you view, and act upon, the world and other people.

10.             "Little white lies" are lies that are told about superficial things and are told when the truth would only serve to hurt another person. 

(These lines are reproduced!)

No matter what the lie is, the truth speaks out. To be humiliated by the compounding effect of the lies that constantly feedy your ears will definetly affect you!

Ps: I'll be away from the online world for a while,  a personal reason. Take care all. 

Rilru a na asin

Vau thla a lo her leh ta, aw zoram nuam i parmawina chenna hlim nuifa leng zawngte min ngaidam rawh aw. A kang e! a kang hluah hluah kan ram rohlu, kan ramngaw. Semnei a hrang an tawnah, sapui an tlan e lupui kan an, an pembo sirva zawngte. Thing leh maute chuan thina hmachhawn turin an ding, aw siamtu hian ke pe che u teh sen! Kan buannel ram nuam a bua zo ta.

          Mizoram sawrkar chuan lo hal hunbi tiamin, vauthla ni 15 na hma a hal turin thu a pe a. Mizote hmakhawsang atanga kan ei zawnna ber lo neih kan tan leh dawn ta reng mai. Ngaihtuahna ti thui erawh chu, hetianga “JHUM’ system nilo a agriculture kalpui a hun, tih hi a ni. State kan nihna a rei tawhin, ram hmangaihtu Politician kan ngah ngiang e. Heng zawng zawng zingah hian kan ram hmangaih tak tak tu hi kan la neilo em ni? Kan ram hausakna ber chu kan rawmngaw a ni a, hei hi tunah chuan a chereu so ta si a.

IT-te, E-Governance, Khelmual tha te kan ti a, mahse hei aia kan mamawh hmasa ber chu kan ram lo neih dan thlak hi a ni. Tun atanga kum 50 a lo ral leh chuan RAM kan nei anga, mahse a chhunga hlutna chu a bo tawh ngei ang.

Mizoram hian a au takmeuh che a, thangthar Ram hmangaih tak tak tu a mawmawh e. Kan ram kan enkawl dan avang hian rilru a na asin.

            

LEHKHATHAWN

Ka thawhpuinu chuan lehkhathawn chu a hawng a, a chhiar a, ka ngaihtuah zui a; Ka college bang chu ka nu hian lehkhthawn pathum hi min pe a, “Due vek lehngal a ti a”, ka zak hle; Tlai khat chu thil hlui ka zawng a, ka rin loh tak maiin ka note bu hlui kar atang chuan lehkha a lo tla a, ka chhiar a, ka nui seih a; Ka office bang chu  ka nu in lehkha min pe a, ka chhiar a, ka hamhaih titih a; Ka training-na ah chuan lekhthawn hi min lo hlan a, ka chhiar a, hlim namen in ka hlim a.

Hun rei tak chhung chu lehkhathawn pangai, official nilo, hi ka dawng tawhlo. Kan thawpuinu in official a kohna a dawn khan ka rilru a ka ngaihtuah, ka ziak lovang ka tih ran ran chu ziah chakna min pe a.

Vawikhat chu Champhai ah Science exhibition hmangin kan kal a, zirlai naupangho zinga college zirlai kal awmchun kan nih avangin kan show chu a lun hle mai a, kan hlawhtling hle. Tichuan kan hawn hnu kar khat velah chuan lehkhthawn, due vek hi a lo thleng a, ka han chhiar a, love letter a lo ni hlawm a.  Ka nui nasa hle mai. Chutih hunlaia ka chhas chu ka hrilh a, a chhiar chak ta tlat mai, ka phal lova, ti hian ka chhang ta in ka hria “Ka lehkha tur a an ziah, an rilru a awm an tihlanna chu midang chhiar ve an phal ka ringlo a,  an zahawmna ka tichhia a ni dawn si a, chhiar lo mai rawh” tiin. Ka tan engmah an nihloh zia leh tunge an nih pawh ka hriat loh thu te, ka chhanlet dawnloh thu te ka sawi hnu chuan a ni pawh chuan a pawm ta dam ta a. Lehkhathawn ka dawna ka luck ber tum a ni awm e J. Hetiang thil hi tunge theihnghilh thei ang?

Kha lehkha kha, love letter chu a nia, mahse last letter tih awm zawk tur tak a ni. (Tu huat thu kan sawi lo anga, ziak duah mai ang aw). Tleirawl lai, duh ve tak maiin min banna thu min hlan mai chu, ka la na hle. Kha letter kha ka la dah tha ang tih ngaihna ka hre tawh lova, ka chhiar leh chuan ka nui nasa hle mai. Tunah chuan pasal neiin mo a ni tawh a, zankhat chu ngaihtuah miahlo hian a mo na inah chuan thianpa ka kalpui a kan inhmu a, min biak hmasak nachang a hrelo a, kei lah chuan lai deuh hian, “I va buai awm ve” ka ti ngawt a. Kum 3 vel chu kan ni ve kha  a nia, laih pawh a awm viau e. Tichuan, thil hlui chu ka tiral ta zawk a. A hunlai kha chuan ka la vung ve viau a, mahse kum 10 aia tam a lo liam tak chuan eng hu teh ual chu a lo ni lem tawh lo a nih hi maw.

Tlaia office ban a ka nu lehkha min pek khan tuna ka dinhmun hi a hril thui hle.  Kha lehkha kha a hlai si e, eng lam nge nita ang tih ngaihtuah chunga ka hawng chu, “NET I tling e” tih min hrilhna a lo nia, ka lawm luttuk chu ka zuang lo chauh a ni. Kan exam result kha chanchinbu lamah ngaihven ta ange pawh ka ti lova, result chhuah atanga thla 6 hnu vela han hriat chauh chu, a nuam dangdai hle mai.

Kan training na a lekhathawn ka dawn kha, ka lehkhathawn dawnah chuan ka nun tihlim tu, ka rilru khawih ber a ni. A ziaktu kha, a thuziak te chu an phuah pui a ni tih a hriat theih a, mahse a lehkha a milem a ziah erawh kha chu a rilru puakchhuak liau liauva a ziah a ni. Ka lawm na hi hril thiam phak bak a ni, ka nun hi a tikim ti mai ila, ka sawifiah thiam dan a ni e. Nakinah ka scan anga, in la hmu ve mial mahna le J.

Pawla lehkhathawn chu Bible ah kan hmu a, Pu Nehru a lehkhathawn, Indira tana a ziah chu kan zirlaibu ah a chuan a. Lehkhathawn hi kan dawng theuh awm e, kan rilru a cham reng thin lehkhthawn chu eng ber ni ang maw? Tunah chuan lehkha thawn hi kan ziak ngai meuh tawh lova, SMS te, phone te, internet a inbiak a awlsam tawh bawk a. Tichuan, lehkhathawn I dawnah eng ber nge I rilru a cham reng a, I tan a hlu bera I hriat le?

 

 

 

Forgetting genes

Tunlai chu ka forgetting genes a in express leh pek tawh a, hui huam ha. Haihawt luttuk mi i ni ve em? Ka haihawt luttuk avanga ka chet chhiatna ka han sawi lok. Hmanah hostel kan awm laiin ka thiante chaw ei ah ka sawm a ka theihnghilh a, ka lensan daih pek a. Ka room chahbi dahna an hria a, mahni rawng an inbawl a, an ei a, ka ei tur an lo dah ve bawk a, ka len haw chuan ka bangah "Chaw ei ah min sawm a, kan lawm e, kan puar e", tih hi a lo inziak a :). 

Tunhnai te ah ka haihawt em em dan hi chu a dang daih. Ka PC ka off em tih hre tur ngawtin ka chhuak vek tawh hi ka let leh thin!.  Tarmit pahnih hian a awmna ka hre zo lo fo a, ka bunlo fo, ka lu na ziah lehnghal. Ka chahbi dahna reng reng ka hre chhuak zo thinlo a, in hai fe a ngai zel. A hahthlak lam deuh a ni. Haihawt viau hi chuan kan lungleng emaw, phawklek avanga haihawt emaw haihawt mi ve hrim hrim emaw a ni thei. Eng ber emaw hi chu a ni ange. Advice te in nei m?

Vawiin ka piancham pha

Thats me :)
Ka nu leh ka u te pahnih nen
Ka chunnu duh tak nen.

Kum 197... ah ka piang a, ka pianna leh sei lenna chu Zemabawk a ni. Tunah chuan kum 30 pel tawhin he khawvel  damchhung reiloteah vanglai hmang mekin ka puitling chu a ni ve ta der mai!. Thangtharte khawvel a nih miau avang leh kan Society in min en dan avangin "senior"  rilru put erawh a awl.

  

Thenrual tha te duhsakna tawngkam leh thilpek   avanga lawmna nen he kum thar hi ka hmang tan a, a nuam hle mai. Chutih lai vek chuan rilru chhungril ah ngaihtuahna a kal thui hle bawk a. Kum a lo tam a, ziakloh zirlai ka zirchhuak hnem ta hle. Nunhlui thlir let in thlalak hlui te ka khawm a, hlimni leh tah ni te a lo lang uar uar mai. Hmalam hun hre thei ni ila hetiang hlimni hi a awm dawn em ni?. Chutiang bawkin tahni nen.

Ka hun kal tawh ka thlir kir a,ka tih tur ka tihlo te, ka tih loh tur ka tih te; a tam ngei mai. Ngaihdam dil dawn ila dil na tur a va tam em? A ngaidam theitu Pathian hnen a thlen mai loh chu tih theih dang ka nei lo tih hre reng chungin; ka hlan ang. A niin ka theih phak chin bakah  a thawk ang.

Thlalak hlui te thlir kir a nuam ngei mai. Naupanlai atanga rawlthar, ngaizawng hriat tan lai te, chhas hlui te nen a kan thla lak te :-), nu leh pa, unau te nen a kan than ho chhoh lai te....hun hi a lo va han liam chak em!.

Tichuan hun kal tawh thlir kir chungin, nunhlui zirtiru leh nun thar beiseina nen, hun ka hmang nei ang....

Zorock- a hla -Vawin ka pian champha kha ka rilru ah lang tlat..

Vawiin ka pian champha

Min lawmpui ve turin maw (oh oh)

Lenrual zawng te u ka sawm vel che u

 

Siamtu chung pathian zarah

He hun hlutak ka lo tawng leh hi

Min lawmpui, min lawmpui, min lampui ru..

 

A thlum, a al, a hang  a tuisen zawng

A famkim kher lawng e aw ka thian,

I taksa leh I thinlung khan min lawmpui se

Vawiin ka pianchampha

Leng rei thu khawchang

Mahni chet chhiat thu ziak duah mai teh ang aw. ...

Zankhat chu ka leng kha kan zai tui deuh ni tur a ni, ka haw meuh chuan kawl a eng tan ti tih der mai!. Haw kawngah chuan veng hrang hrang a an vawk talh, kawngpui bula an lo rawh ut ruam te chu ka hmu a. Inrinni zing bazaar a thutna tha chanloh hlau a nu ho lo thu a, an bula napang mu te chuan mit an la hle mai. 

Zai hla vawr a kan lam lai kha chuan a zahthlak vak loh asin mawle, mahse  in thlen mawlh mai kha a huphurhawm. Chhungte kawihthawh mawlh mai kha aw! Hreh tak chung chuan in chu ka pan ta them them mai. Ka ngaihtuah chiang a, Inrinni a ni hlauh mai, chhungte vawksa lei tur thawh hma ni, hui ham, ka thaw huai mai. Tichuan bazaar kal tur chang chan ka thu ran mai a, an chhuah hnu chuan ka veh thla them them a, min barakhaih tu awm se chuan ka thlawk thei hial ang!. Thawk pawh thaw tha ngamlo a ka kal hnu chuan khum chu ka thleng ta, tuman min hmulo e. Khuma ka mutna a ka ngaihtuahna kal zel kha, heti hian

1.   Kan ram ah hian mahni thlai thar zuartute hi an lo va khawngaihthlak em. Kar tluanin ram lamah rim takin hna an thawk a, zirtawp zan hi an tlaivar leh thak thin. In zawhna mumal an neihloh avangin kawngpui bul, ke a kalna ah te hian an inzuar thin. Kan la hau a, police nen kan vau a, thlabar in kan siam si a. An hmel en ila, chaw tha hmuhloh avang leh hna thawh rim luat avanga ni em chan hmel, biang ki van mai te hi, an va zahawm zawk em. “An thlai thar zawrh te hi, a ka dawn tawh lovang, a man an chiar na ang angin  ka lei thin tawh  ang” tiin ka intiam a.

2.     Mizovin vaksa kan duh zia hi chu sawi a siak lovang. Sa talh hi veng tinah, eizawnna tlak a ni hial reng a ni. Hetih lai hian ka sa talh te kan sawngbawl dan  hi a va thianghlim lo em. Mi tam tak hian a kawchhung kan sawngbawl dan hi hmu se an ei duh kher lovang. Kan inchhung mawi tak mai, kan choka changkang te, kan muthmun vanram te thlir chuan ka ei tur, sa leh thildang kan sawngbawl dan hian kan hnam la naupan zia a tilang thui hle mai.

3.   Chungte hian kan ei ve loh leh kan neih ve loh hlauin an thawkrim thin ngei mai. An tan hian ka va tangkai lo em aw. Ka tan a an tih hi engtikah mah ka rul seng dawn silo. An va hlu em.

4.   Zing exer la a tlan te kha an va taima em, khawvar hma in an ti lauh lauh tawh zu nia.

5.   Leng rei nazawng hi an luck tihna a ni kher lo, nula inah an leng pawh a ni kher lo thei. Chu chu ka chiang e J. Lenna tur hriatloh luat vang te pawh a ni mahna, len chhunah chuan ti ngheng aniang! 

 Tichuan “Chichawm” tih a, a chunga thlalak ka tar hi, khami zing ni chhuak thla ka lak kha a ni. Zing ni chhhuah a, nun a in tan a, kan ri nak nak thawm kha a va mawi em. Heng thil ngaihtuah pah hian ka mu ta hle hle a. Lung hlui te pawh a leng deuh roh e!. Nunhlui tahna ti tamtu nilovin, min ti hlimtu, "vanglai" ti a kan sawi ve tur a ni si.