Vau thla a lo her leh ta, aw zoram nuam i parmawina chenna hlim nuifa leng zawngte min ngaidam rawh aw. A kang e! a kang hluah hluah kan ram rohlu, kan ramngaw. Semnei a hrang an tawnah, sapui an tlan e lupui kan an, an pembo sirva zawngte. Thing leh maute chuan thina hmachhawn turin an ding, aw siamtu hian ke pe che u teh sen! Kan buannel ram nuam a bua zo ta.
Mizoram sawrkar chuan lo hal hunbi tiamin, vauthla ni 15 na hma a hal turin thu a pe a. Mizote hmakhawsang atanga kan ei zawnna ber lo neih kan tan leh dawn ta reng mai. Ngaihtuahna ti thui erawh chu, hetianga “JHUM’ system nilo a agriculture kalpui a hun, tih hi a ni. State kan nihna a rei tawhin, ram hmangaihtu Politician kan ngah ngiang e. Heng zawng zawng zingah hian kan ram hmangaih tak tak tu hi kan la neilo em ni? Kan ram hausakna ber chu kan rawmngaw a ni a, hei hi tunah chuan a chereu so ta si a.
IT-te, E-Governance, Khelmual tha te kan ti a, mahse hei aia kan mamawh hmasa ber chu kan ram lo neih dan thlak hi a ni. Tun atanga kum 50 a lo ral leh chuan RAM kan nei anga, mahse a chhunga hlutna chu a bo tawh ngei ang.
Mizoram hian a au takmeuh che a, thangthar Ram hmangaih tak tak tu a mawmawh e. Kan ram kan enkawl dan avang hian rilru a na asin.
14 comments:
a dik
interesting post though my opinion differs just a bit.
The practice of jhum has become the subject of debate amongst foresters, ecologists, economists and policy makers for many years. The main contention is that jhum could be regarded as the main cause for land degradation in the hills. On the other hand, some scholars argue that the condemnation of jhum cultivation and its effect on ecology represents an almost unanimous consensus, unfair and unrealistic. It is argued that practice of jhum cultivation may increase biodiversity.
The government is in favour of replacing jhumming system with various alternative methods. A number of policies such as horticulture, terracing, and small-scale industries under NLUP scheme were introduced. Between 1990 and 1996, the government spent over Rs 132 crores to 41,000 beneficiaries. Despite these efforts, the practice of jhum agriculture remains more or less the same. A new discourse on jhum was brought out - how commercial tree plantations, fuel wood and logging for timber extraction can also have negative impacts on biodiversity which were almost silent in the previous discourse. Influx of immigrants from neighbouring Burma, Tripura and Bangladesh was emphasised. The early argument on the effect of population pressure is contested on the ground that there is often no strong relationship between population pressure and jhum cycles. Some scholars are worry on how abandoning jhum system may disrupt the society as jhum is a way of life to local people. Moreover, alternative systems introduced by the government are not always accepted by the local people. Hence, at the community level jhum should be modified gradually, step-by-step to make it environmentally sustainable. However, most scholars overlooked the transfer from subsistent jhum system to “marketization of the jhum system”.
Hotupa, he thil hi ka vei em em te zinga mi a ni ve bawk. Kan Lo neihdan leh sawngbawldan hi kan herrem a va tul tawh tak em. Hetiang lamah hian mithiam kawhhmuhtu kan nei thlawt lo em ni chu aw ka ti fo thin. Ram kan han kal khu hluah hluah mai a, a kang mang pak pak mai thin lehnghal a, ka aizawl awmlai ngei ngei pawh khan Beraw tlang hmun hringdup lai te chu ka hawn dawn hnaih kha chuan a kang ro vek tawh a ni.
Sap ramah hian engtiklai pawhin LO nei mite chuan chhun lo chat lovin lo an siam a, thlai leh buh an thar kumtluan tih kan hria. Lo hal leh ram hal a awm kan hre lo. An tan thal leh fur a awm chuang lo a, an thlaichin a zirin a hun erawh an bithliah chauh thin tih kan hriain ka ring.
Mahse, mahse, mahse, an ni erawh chuan POWER (Electricity) an nei hnianghnar tlat vang a ni e. Kan Zoramah NLUP kan ti a, rethei inkhaichhuahna kan dap ve bawk thin. Mahse, rethei leh loneimite khaichhuahna bul ber POWER erawh kan ngaihthah tlat si. Thal leh Thlasik lai pawha Tui pump chhuak tur chuan khawl kan neih that a ngai a, chu khawl tinung tur chuan petrol kan hmang reng thei lo, a to lutuk. Mahse, Current hnianghanr tawk kan neih chuan kan duh hun hunah tui kan pump chhuak mai dawn a ni.
Tichuan, kan lo neihna ngaiah kumkhuain kan nei ang a, lo hal leh ram hal kan bansan tawh ngei ang. Kan harh a hun hle mai.
@cs jil thanks
@hruaia, i sawi dik khop mai. Social scisnces point of view atanga thlir chuan a dik thei hle mai. Mahse ka han hnial lok ang che. Kan ram lo neih dan avanga Forest fire chhuak chuan ramngaw tam tak a kang chhe thin. He report hi Indian Institute of Sciences, Dehradun a an remote sensing data en chuan a chiang leh zual. Kum tel a kan ramngaw chhiat dan en chuan rilru a na zual. Ramngaw a awmloh/a bo zel chuan a chhunga cheng nungcha an tam theilo. Chuvang chuan Bio-diversity a san phah a har ang. True sense of Bio-divesity, in terms of total no. of species a chhiar chuan a lo tam maithei, mahse kan duhlo, weeds ho vang a ni thin. Mahse FOreset, developing leh matured. mizovin ram tuk loh kan tih hi a tlem tial tial a, kan nungcha an tlem tual tual bawk si.
Pawisa kan sen zat i lo mention hi a finthlak khop mai. Kan lo neih dan thlak thut chu a har maithei a, mahse a theih a ni. Sustainable development a omloh chuan mihring kan pung zel anga, kan ram hian a sustain theihloh population kan pung dawn si a. Ram chu a chhe zel ang.
Sawi sen rual a nilo, kan la sawidun dawn a nia ti mai ang. Good points. Thanks
@puia, Ram veitu dik tak i ni ve in ka hria a, Power i lo sawilang z, Pu Thena pawl ah ka dah dawn che!. He thil hi.. neih a harlo asin mawle!
In thu ziah chu a bengvarthlak hlawm khawp mai..Ka ngaihpawimawh em em chu Mizo te hian kan ram enkawl dan kan thiam lo lutuk hi ania. Nikum khan Nilai zan inkhawm Beihrual thupui kha - kan ram, ramsa leh rannung, ramngaw humhalh te, an hlutna hmuhthiam te a ni a. Tun kumah hian nikuma kan zir zawng zawng kha a langchhuak tur a ni a, mahse kohhran thil tum hi mipui ah hian a HLAWHCHHAM chiang hle tih chu tun kuma kan ram la kang hluah hluah ah hian a hriat hle,kan khawpui ro bem bum zia ah te hian 'failure' a lang. Mizote hian a sawi duah leh ziah kur luk hi kan uar a, mahse 'PRACTISE WHAT YOU PREACH' hi uar i la ka va han ti ngawih ngawih em!!....POLYTHENE hi hmang lo theilo dinhmun ah kan ding, ka hrethiam, mahse hmang thlem thei kan ni kan duh chuan...in ngaihtuah ve ngai em?..Inrinniah kan bazar te hian Chawhmehzuarho te hi polythene thar dil zel lo in, kan ina polythene tamtak kan khawl thrin kha keng chhuak tel ila, tah chuan kan chawhmeh lei kha dah tir thrin ila, bazar bag hi keng ngei ngei bawk ila...(its a small step in recycling our used polythene instead of throwing it away and polluting our soil)... Polythene hmang lo theilo dinhmunah kan ding ka tih tawh kha, mahse kan hmang tlem thei ka ti bawk aa!!...sethiam mai m?!..hee
ka comment a lang ve thei lo!
eee bro hei chu post tha khawp mai. Short and precise. Tunah pawh hemi topic hi a hot hle tih ka chhungte pawn mi rawn hrilha, debate te hi han nei vel se, ka ngaithla chak khawp mai. Mahse tuna tan chuan keini opinion tlem lo nei ve mahse facts a back-up theihna nei vaklo tan chuan midang ziah lo chhiar lo chhiar a ni hrih mai... Great post once again.
A tawi tha tek tawk hle mai..agriculture lama kan mithiam te chet a hun ta hle mai!!
Ka ngaihtuahna ah thildang daih a lo lang. Hetiang ang loneihdan hi thlak ni ta dawn se. Engtin nge ni ang..tih hi.
@esse, palstic bag chu topic dangah kan sawi dawn nia.. i comment pawh a lang thei tawh e.
Environmental science hi BA zirlaiah an telh lovang tih ka va hlau em..:P. Beihrual thupui an Synod in a hman pawh khan a 'rau' tlat lova.
@Illuionaire, bro thanks. Mahni vei zawng zawng kan au chhuahpui nih hi. Thinlung lam kan ziak ngam rih mang silova.
@luliana.. Agriculture mithiam te hian an pawimawhzia hi in hre thar se tiro.
@Sawmpuia, hotupa a thlak dan chu a awm mai. Mahse mual kan sacrifice anga.. a plans chu ka rilru ah chuan a awm mawle.Haha ka ban a tawiin ka thuneihna a tlem si a. Kan ti thei ang.
Hotupa chu thawh tha hle mai. NI e, kan lo neihdan hi chu kan tih danglam a ngai tawh khawp mai, kan mithiam te hian ruahmanna tha tak han siam se, mipui lam pawhin tihhlawhtlin ngei tum ila kan ziaawm thei mahna.
@ tripplestar, Thanks for the visit
I thahnem ngaihna au aw hi a tha khawp mai.
Ram ngaw a chereu va, nungcha an bibo va, khua alum tual tual a. Ram ruak tihchhiatin a awm a. Ngaiawh leh tur chuan a chenga te nun hi a inthlak thleng phawt a ngai a, chu chuan engtia rei a la awh cheu dawn hriat ni si lo. Chumi hnu thang khat lian zetzawtah chauh chuan thing leh mau, nungcha ten nunphung pangngai an tan ve dawn chauh a ni si.
Ei rawngbawl nan tuah-thing kan hmang ringawt pawh hi ngaihtuah tham a tling ta.
Atha hle mai. Ka vei zawng tak a ni.
Mahse ka blog vel a han thai kawi vei duah tur hian ka taih mak na hian a tlin thin lova,, hihi,
Bro, Private deuh a biak che ka va duh ve?
I hman rem chan hun ah www.nickylalrochhara917@gmail.com ah hian min lo be lawk teh aw, zawh na ka nei nual mai,
Ka Blog edited chung chang ah..
Ka lawm e,😹
Post a Comment