merry christmas

Days are longer...nights are lonelier...this christmas..
ka damlo dawn tih kha ka hre lawk deuh, mahse in dimna tur hun awm silo...taksa a chaklo deuh tawh tih hre reng chungin hna kha ka tilui tang tang...a in thamna a rei tawh..mahse..mahse a tul si a le...christmas te chu kan dam anga kan la hmang leh ngei turah ngai ila. damlo tan chuan damna a pawimawh ber...mu daih teh ang 2015 christmas urlawk zan chu...

Stop-look-go

Pawl 3 kan zirlai chuan 'Moral education' kan zir a. Chuta kan zirlai ah chuan kawng kãn dan kan zir tel thin. Kawng kãn hmain dinglam,veilam leh hmalam thlir hmasak hnuah chauh kawng kãn tur tiin kan zir thin. "Light a awm chuan a sen a en chauhin kawng kãn tur" tiin kan zir bawk.
Tichuan hringnun kalkawngah chuan ka kal ta a, chu kalkawngah chuan lawmna te, hmangaihna te, harsatnate, mangannate leh lungngaihnate te a lo tam hle mai. Din hmasak a, veilam leh dinglam uluk taka thlir a, pen chhuak chauh tur nisi kha, en lovin kawng ka lo kãn pek anih chu!. Uluk takin ka kãn tur kha thlir ni ila chu, ka kãn sual bik lo tur le.
Voin ka thil tawn chu, "chhunnu i chawi lai nau ang a tap e, ban zai a rel thei silo, nau ang min awm la,  chawnban ah vuanin min hnem la" tih mai ka nap e!.
Chu hringnun kalkawngah chuan kawng en lovin ka kal a, a lai takah, tui lai rap ang maiin kal ngaihna hre lovin ka ding ta a, hliam ka tawk ta. Ka hliam chu a na, tuan zai reng rel a har ngei mai.
Chu hliam chuan khum betin min siam a, ka vei, ding leh hma lam min thlir let tir ta. Aw...kei mi mawl hian ka zawh tur kawng chu ka chetsual hnuah chauh ka thlir let a, Tui bua a ruh leh theih tawh siloh. Ka zawhsual kawng chu uluk takin ka thlir kir a, tham ral lo mit thla an ka hniak ka chhui let ta chuan chuan mai a. Ke ka chheh sualna te, ka mit tih fiahloh a nih dan te, ka hmuh duh leh hriat duh chauh hria ka nih dan te a lo lang uar uar mai. A chiang asin, ka thian,  "emaw" ka lo tih, ni silo te chu a lo lang lurh lurh mai a, hnar a lian duh voh voh hle mai. Tumah dem tur an awm chuanglo, keima kawng kãn fimkhur loh vang vek a ni. Hawilo ta na chu ka in chhuih thlu leh ta!
Mahse mipa fa ta na chu, engpawh huamin, ka seh chu ka seh, val in ka ngam a, ka rim a, ka rim thlu ta angah ka in ngai. Kalkawng erawh en chiang hmasa ila chu ka hliam lo tur le! Pawl 3 a kan zirlai kha tun thlengin a lo la dik reng a ni tih a lan chian tir  bawk.
Tichuan le, sap thu fingin " a tihhlum lo tu che chuan a tichak zawk thin" tiin a sawi kha. Ka hliam hian chatuan a daih tawp lovang!, a dam anga ziak loh zirlai chuan min tichak zawk ngei ang le. Ka thian, 'stop- look- go' hi lo chhiar la, pawl 3 kan pass ho dawn ania!

Lalkulha

Hmanni kan office bang chu Pu Lalkulha, Mizoram inbuan chak champion thin kha kawnglaiah a kal nulh nulh mai kha scooty in a tai deuh a. A palian sia, hnung lam hawina chang a hrelo nge a beng a ngawng deuh tawh ni ang, scooty khan muang changin pelh a tum a, horn a pe a, scooty tlanna lamah a ni a kal bawk si, an intai deuh a. Vanneih thlak takin an na lo ve ve a.
Pu Kulha hi a chanchin a thang nasa thin hle. A vanglai sawi tha duh nise a chak zia leh a to zia a sawi teuh thei ang chu. Khawi laia nula in emaw an hel nasat zia ha hipin a sawi thei ang chu. Hmanah a thingtlang awmna ah bike in a kal a, kawng a lo diak nal deuh a, a bike kha a pu lawk a, kawng that deuh hnuah a nghat a, a kal leh mai a..tiin an sawi thin. khati khawpa mi chak kha tunah chuan putar, tiang nena khawlai kal thin a ni ve a. Hringnun lamtluang ah hian kan upa zel anga, kan taksa chakna leh kan hriatna a lo chuai zel anga, thalai te pen ruala kan pen ve theihloh hun a la awm dawn si a.
Zanin ka kekawr tlang thlehna chhia ka thui tur pawh hriau bengah khawla ka thil thei mai lova, kan nau tleirawl chuan awlsam takin a thil mai si.
Tunah chuan kan nih tur ang leh kan kawng zawh tur ang chu kan zawh ta, lei kan zawh tantirh laia kaihhruia kan ngaih lai te, mahni ke a kan ding tan tirh lai te kha thamral lo mitthla an a la cham reng anga, "kan vanglai" tiin kan la ngai awm si a. Pawimawh ta deuh ni a kan hriat pakhat chu- he khawvel a kan cham chhung hian enge hnutchhiah tur, hriatreng tlak kan tih le? Mi ten engtin nge min hriat reng ang? Hriat reng tlak kan ni ang em?

Kum a tam ve ta

Kum 35+ ka ni ve ta! Bible in mihring dam hun chanve chu ka lo zawh ve ta reng mai. Min veng him tu Pathian hnenah lawmthu awm se. Mite ngaih a chuan tlangval senior ka lo ni ve ta reng mai!. A ni, "kum 33 ah nupui ka nei ang" tia ka lo sawi ve chu ka bawh pelh ta phawt mai chu ania, remruatna chu mihring lam chan....tia ziak a nih kha maw.

He khawvel ah hian hringnun ziakloh zirlai hi ka  tawng hnem ta hle. Mi ten 'kalphung' leh 'nunphung' tia an sawi thin zawm ve phalo, mahni kal a kal tan chuan  ' tihdan' hi a lo awm lemlo. Ka kal dan hi ka tan chuan 'dan' chu a ni za ta ber mai. Mite siam kawng chu zawh ni ila tuna ka din hmun hi ka luah pha ang emaw chu le?. Mi thu leh ngaihdan zawm diam2 ni ila he dinhmun ah hian ka in hlang kai ang em? Keima kalphung, tihdan leh duhdan  hi hloh ta ila " keimah" min ti keimah tu kha a awm tawh dawn silo. Mi ropui leh mi chunga leng mihring ka nilo tih erawh ka in hre chiang. Chuvang chuan ka kaldan hawtu  chu ka hnaih ah awmlo mai se, ka hmai chhan a min fak ar ek a hnung lama min nuihtu chu ka thian nilo mai sela, min kiansan se. Ke ka pen ruala pen ve theilo chuan min zui lo mai se! Aw...mahni in ngaihsanna khawvel a lo nih hi! kei pek hi!

A little while back!

Anything worthy to scribble? Let's see... 2013
Work: Back at JNU for a refreshers course. I actually enjoyed the time and had a great time with nature photography. As a scholar, I find my place in the research community.
College was as usual busy, semester system, IQAC, Projects etc. just the usual day by day programmes, nothing special, just another year.
Doctored: Whew, sometimes I wished I had never started a project that is nearly impossible for one man to handle!. If I was presented with a 20 lakhs project doing the same job myself, I will decline!. It was a struggle. The day after my Viva Voce, my battery seems to run out. All I want to do was REST!
Champions: In 1996 we started a cricket club. We called the team- Zemabawk Pitchers Cricket Club. Back than, I was with kids aged 12-18 years. We were not a great team, but the enthusiasm was great. After getting a Job, with the help of my friends, we hit the restart button. Ah another set back,  five seasons we were a team called ALMOST!. Semi Finals, Quarter finals were the peak of our result!. This year though its different. With the injection of new players and a determined old players we were crowned Champions in  2nd Division tournament. I was then almost emotional, it was a dream come true. After waking up at 5:45 AM in the morning for almost two months, I couldn't sleep!.
Election duty: Appointed as Liaison Officer to Expenditure Observer I was in duty for a total of 28 days. It was a blessing in disguise as I could forget the daily duties of the college and concentrate on the Cricket team. At all time, I was with the team, plotting, thinking, calculating, planning and studying our opponents.It is the luxury that eluded me for years.
Electronic disaster!: It was a bad year for my electronic equipments. My motherboard gone haywire, my LAN damaged by lightning,  accidentally drop my phone and broke the screen, drop a camera lens that broke the autofocus motor, short circuited my camera flash!...As the list goes on and on, it was a bad year for me in terms of electronic equipments.. COST=:)

In zirna

Khawnge inzir hian tawp chin a neilo anih hi maw..In zir zel teh ang
Ka thlalak

Zanin ka ngaihtuahna chu

            Heti hian bul tan ang. Mizothiangzau's Blog (chuan ti hian a ziak a, "Ningani zan(July 25 2006) khan YMA chuan branch committee ah sawihoin khawhar in riah hi tihtawp an rel ta niin YMA president Lalthanzara (Patea) chuan a sawi."(February 10, 2011). Eddy Zosangliana chuan Zoram Thlirtu Group ah tihian a comment a, "Yma a awm ta nawh a, mahse, yma awm ta nawh mahseng, mizo tlawm an ngaihna ding chun bo ta thak nawh. Lusun in hai pa hmai an khat threp thrup a, thlan khawm lai tur awm ta nawh ding tih tur lah ni nawh..eini mizo hai tlawmngaihna ding chu yma ah chauh awm ta nawh chun..tlawmngaihna ding chu eini mizo ah, ril tak ah, thnlung cung ding ah awm ei tih. Yma leh yma lo a ni nawh"( January 26 at 11:01pm ).

       Heng thu pahnih te hi a hmasa zawk hi Kum 2006 a Zarkawt YMA in Khawhar in riah titawp thu an rel an puanchhuah na a ni. A hnuhnung zawk hi Kum 2012 April thla chawhnu lama  HPC Demand area chhunga YMA hruaitute seal thehluh hnu a YMA dinthar leh tura Central YMA mi tirhte chunga Sakawrdai khua ten dt 25.1.13 a an lo tawngkhum dan a ni.

       Heng thu hian min kan training pui pa thusawi kha min hraitchhuah tir a, "Mizoramah chuan NGO chak tak YMA in nei a, in in thural thei a, dan leh thupek leh engkimah in tha. Manipur chu pawl kan tam luttuk a, kan in lungrual lova, kan dingchhuak har ang" tiin. Zarkawt YMA khawhar in riah tihtawp nen enge a in zawmna? in ti maithei. Heti hian ka chhang ang che- Zarkawt YMA hian mizo tlawmngaihna chu khawvel inher zelah thlak/her rem ve ngai an ti a, khawhar in riah tih tawp an rel ta a. An veng chhung thatna tur ngaihtuah a thil ti an nih avangin ka dem viau na in ka hrethiam. Amaherawhchu, ram chhung nen khuang rual lova ke an pen tak avang hian Mizo te, a hnam anga kan in pum khatna a ti chul zawngin hma an la a ni. Kum 5 a liam hnua kan Sakawrdai unaute  tawngkam hi thlir zui ila, YMA chu kan inpumkhatna chu mamawh lo leh mizo  tlawmngaihna pawh kengkawk zo chuanglovah an ngai a. Hei hian hman in pumkhatna a ti khi a, kan hriat lo karah a lo khi thui hman hle zawng anih hi.

   

ah! upgrade

I still remember sitting in front of that old PC with a configuration of ~100MHz CPU, 8mb of RAM, 4GB hdd, floppy drive and a small 14 inch black and white monitor!. Computers back then were like a rare commodity. Up gradation was always so costly when 16 mb of RAM cost more than Rs 2000, 8 GB HDD-2500 when you can get 500 GB of HDD less than that.
Computers have a major face lift, smarter and greener technology arrived. Sitting in front of this PC with a configuration of 2.4 GHZ of dual core CPU, 1 TB of storage, 4 GB of RAM, and LED monitor, a sequence growth in technology came to my mind.
Ah! internet, dial up modems were a thing of the past. Memories of AOL came crashing back. I.E was then a big impact. Microsoft Company was so proud that it have incorporated I.E on windows 98, their logo mentioned "windows 98 with internet explorer". At present i will give up browsing any page with dial up modem speed.
With so much technological growth, my age goes on increasing and finds it harder to keep up with all these up gradations. y someday we will be able to install 64 core of speed and 100 GB of processing speed to our brains!, that my friends, will be a major Up gradation!

Internet atanga bazar

Internet kaltlang a thil lei hi an sawi fo a, a thatzia leh awlsamzia te nen, a hlauhawm thu sawi an tam bawk. Risk lak vak ai chuan lei loh hram hram dan a awm thin avangin ka lei ngailo. Internet banking ka tih ve atang khan BSNL bill hi chu online in ka pe ve ta ziah a, in tlar te, bill pe tura a hran a kal a ngai ta lova, a hahdam zek mai.

A awlsam em avang leh ka thil mamawh Aizawl lama a awmloh avangin tunhnai atang khan E-Bay ah thil ka lei ve tan a. A awlsamin inah a lo thleng a, a infunna a tha thin bawk a him dam pial hian a lo thleng ve thin. Zawngchhang a awl duh dawn khawp mai. Thil te tham sangkhat (1000) man tling hlir erawh ka la lei thung a. Tumkhat pawh Chennai atangin Printer Cartridge ka lei a, ni 5 chhung lekin a lo thleng a.

Hetia thil kan lei hian a man pangai ai chuan a to hret a, mahse helai hmuna awm velo a nih avangin ka pawm dam thei mai a. E-Bay atanga thil lei fuhlo fe fe an awm thin avangin fimkhur thilah a dawr neitute ka phone hmasa a, midang review uluk takin ka en a, chuan rin tlak ni a ka hriat chuah ka lei thin.

Online shopping an addict hi ka hrethiam ve ta!, a leina tur ka neilo mai pawh a. Mizoram ah hian hetiang ang hi awm ve ta se, home delivery nise bazar kan tam ve tawh viau mai lovang maw?

Blog hi

Blog ka update peihlohzia hi aw. Chhuanlam fahrah te te chu nei ve tho mah ila ka thatchhia a ni. Fb lamah hian comment kual zut zut hi a nuam aniang.

Mahse Blogging hin lung a tileng leh tlat thin. Update tur a vang lam pawh a nilo, ziah tur ka tla chham pawh a nilo, ka thatchhe ve hrim hrim a ni.

Engpawh nise kum 2011 ah blog ka la ziak manglo tih ka hriat hian ka rilru a ti na tlat!

Hun a lo kal zel anga, kan thuziak hnutchhiah leh thiante comment hlut tur zia ka hriat avang erawh chuan min ti phur thar leh thin.

Inelna huang khat

Vawin chu naupang pakhat mobile phone atanga internet hmang mawlh mawlh ka hmu a, nizan ka thil en min ti hrechhuak a. A sap tawng ngau ngau hian dah ila a chiang zawk awm e.
CNN): -- For most college freshmen starting school this fall, e-mail is passe and wearing a watch on your wrist is, well, unnecessary, according to the Beloit College Mindset List for the Class of 2014, most of whom were born in 1992. (http://www.cnn.com/2010/LIVING/08/18/college.mindset.list/index.html)
Mi ram zirlai te leh kan ram zirlai te nunphung in an lohzia min ti hre chhuak a. Internet technology lam hrim hrim a kan hniamzia min ngaihtuah tir bawk. Mizoram, a bikin thingtlang atanga zirlai lokal te hian internet chu sawiloh, computer hrim hrim pawh thiam leh hmang tawh an tlem pharh thin. College an lo rah hian zirtir an ngai nasa hle mai. College a internet hman theihna kan chhawp chhuah atanga zirlai te changkan chak dan ka en hian lawmawm ka ti. Tunhnai mai khan wi-fi internet hotspot kan siam ta bawk nen, kan ram naupangte hawiher a inthlak ngei ka beisei tak meuh meuh a ni. A hmanrua a awm chuan an hmangthiam ve mai thin. Hmansual erawh a hlauhawm thung a.
Kan ram hi kilkhawr te ni mahse khawvel tukverh a dak chhuak tur hian zirtir kan ngai a, mi ram naupangte nen inel pha tur a hmanrua kan chhawp chhuah sak hi a tul tak meuh meuh a ni. Let us level the playing field as far as possible.. ti mai ang

Zirtirna duhthusam

Reader's Digest a quotable quotes ka chhiar pakhatah chuan tihian a ziak a, "Learning does not only implies filling facts to the studets but starts with imposing questions" tih hi. A sap tawng hi let buai duhlo mai ang.

Mizorama zirna dinhmun ka ngaihtuah hian By heart system hi kan uar ta luttuk em? tih zawhna a lo awm ta. Zirlaite talent leh imagination hai lang lovin, note leh by heart ringawt hian kan in zirtir kumtluan ta a mi? Zawhna a tam thei viau mai. By heart ngai chin chu a awm ngei mai. Entirnan Poetry te, mathematics formulae te, pathway te, a tam mai. Mahse a zavai chuan a nilo.

"Zirtirtu ka ni, ka zirtir kha zirlaiin an hrethiam a, thiam taka ka sawi chuan zawhna hi an nei ngei ngei turah ngaih theih a ni. Zawhna min zawh let loh chuan ngaih a tha ngai lo." tih thusawi ka hre tawh. Hetiang ang vek zirtirtu hi nei ta ila, kan va changkang dawn em?

Mizorama kan kalphungah hi chuan naupangte by heart a, exam based in kan zirtir a, note nei tha leh in by heart tir nasa deuh sikul an ti tha mai a ang ta hle mai. Zirna in kha note lakna inah a chang ta a mi le? Ngaituah peihte tan...

Hriatloh ramah

Ka thaw huai mai.. Vawin chu, ni 5 chhunga kan thil tih fuh theihloh kan tifel thei a, a nuamin ka thawveng hle mai. Hotuten Library computersied tur an ti si a, hma la tura ruat nih si chuan hmalak a ngai a, hriatloh ramah kan cheng a ni ber e.
Library Automation hi a hming chu ka hre tawh a, ka chhiar tawh a mahse ka la tawk chhin lo. SOUL pawh chuti bawk. SUOL Software install tur khan MsSql server software a lo ngai a, 2005 version khan kan ti ngat ngat a, kan hlawhchham a, chuan a tawp a tawpah 2000 version in kan hlawhtling ta a. Thianpa Hruaia, DOEACC a mi zarah liau liau a ni. Tichuan kum 2 chhung tawh tur chu bul kan tan thei ta. Tichuan hriatloh ram chu ka fang a, hriatna a tipung a. Computer khawvelah hi chuan zinna tur hi a lo tam em anih hi!

Incheina

Khawnge vawi khata vawi khat chu bul han tan leh ila, ka chawl rei ta vang vang bawk a, lung a leng a lawm le.
Incheina pawimawh zia hi sawi tur tam tak a awm awm e. Mahse tun tum chu "mamawh tawka inchei" tih lam sawi teh ang.
Ka inchei loh avangin zilh ka tawk! Tumkhat chu college kan kal laiin kawr hnung thler deuh nen hian college ka kal a, ka nu thiannu hian min lo hmu a, ka nu a hau a, ke min zilh bawk. Tum khat leh chu ramdang a kan zirlaiin ka thianten inchei ve deuh turin min zilh bawk. Hna ka tawh hnu pawhin ka inchei tlem avanga ziltu ka tawng bawk a. Mahse hei hi ka sawi duh, "Inchein hi ka thupui ber a nilo". Ka pa min zilhna, "Incheina chu fai se a mawi a ni mai" tih hi ka thupui ber a la ni fan tho mai.
Incheina hi thupui ber a neih a awl khawp mai. Eng anga nalh pawhin in chei mah ila kan intodelh loh chuan mahni mawng hlim kan ni tho tho. A nei te pawhin incheina kan uar luttuk hi chu bansan a hun ta. Kan neih avang ringawta inchei vawr reng ringawt a, thawmhnaw thar lei zut reng mai chuan midang rilru kan kaihruai sual ve thei a.
Ka thalai pui te zawng zawng hian incheina hi uar lo se, KTP/TKP/PYD/YMA te hian inchei uar loh kumah puang ngam ila, Zoram hian hma a sawn ngei ang le.

A in man fuh tlat

Zanin ka online chu Mi(sual).com ka bih thuak a, November ni 7 hi kum 2005 a Dulte khaw dai a an hauhuk humhalh misualin an kah cham a lo ni a. Chutih lai vek chuan History channel ah hauhuk an lo lang ve a. Delhi khawpui a zawng tam luttuk chuan buaina a thlen thu an tarlang a, 21st October 2007 khan Delhi Deputy mayor chu heng zawng ho vang hian a thih thu an sawi bawk a. Tichuan India ram khawpui ber Delhi sawrkar chuan zawng te chu control a tum ta a. Chung zawng umbo tur chuan an aia lian Hauhuk a ruai a, hauhuk leh an pu te chuan chung zawng te chu an umdarh thin a. Zawhna lian tak awm chu- An zawng um darh te hi khawnge an kal tak ang? Veng pakhat atangin veng dangah an insawn mai a lo ni a. "Happened only in India" ti phawt ang. Kan ramah chuan zawng tlem luttuk kan buaipui a, vai ramah chuan zawng tam luttuk an buaipui a.

A dang leh: Zonet news chuan Aizawl tui lakna Serlui tur(poison) hmanga hrai anih thu a report a. PHE Department ropui takin a report theih chhun chu Dissolved Oxygen(DO) level a ni. An DO meter hman hi Eutech Company siam, hand held series, Ecoscan an tih ang chi kha a ni a tur(poison) leh DO level in kaihhnawina a awm silo. PHE Chief chemist chuan a hma kar a hrai an awm thu a la sawi zui. Enga tinge he thu a hriat hian investigation a tih loh? Tichuan chu Department ropui tak chuan an thiam zawng zawng sawm khawmin Aizawl leh Tlawng a tui an khawl khawm chu mipui him nan an paih ruak ta vek a.

Serlui hi hmanah pawh an hrai tawh, an la hrai leh thin pawhin a rinawm. Hetiang reng anih chuan kan tui tlan a thianghlimlo reng dawn a ni. Aizawl mipui sang tam tak chawmtu pawimawh a nih avangin mipui tawlh pawh phalloh hian siam law law se, kan MAP leh MRP ho hi ven tir tawp se a tha mai lo a mi? Luidungah nitin patrol an in tir anga tichuan kan tui hnar tur(poison) a hrai a tlem ngei ang.

Delhi zawng umdarh ang mai hian a solution ngaihtuah lova, tur a an hrai apianga paih ruah policy hi kan adopt dawn anih chuan pawi tam a la thlen ngei ang. Aizawl khawpui ti mangang duh apiangin Serlui an hrai mai dawn asin!. Happens only in Mizoram- ti leh mai ang

Heti hi a lo ni

Hmanhmawh pheleng chuan ka tlan chhuak a, traffic a jam loh chuan ka la nang hman ngei chuan ka ring. Tichuan tluang takin ka tum ram chu ka thleng ta a. Mipui an lo thathnem deuh avang chuan thutna hmun tura min lo ruahman sak lam pan pawh a harsa ngei mai. Tlai taka kal e ti lo chuan tlar hmasa berah ka va thu a. Function ah chuan CM meuh a lokal avangin media lam poh an tha thawkhat a. Zan lam news ah an lo tilang a, ka lo lang ve voh voh a ni awm e (Thiante sawi danin) "Kamis hman thiam nen tlar hma bera i thu kan hmu che" an ti a.

Function zawh chuan tluang takin in ka thleng a, ka in thlak chu ka nui thaw mai. Nalh taka inchei ni a ka in hriat chu tihian a lo ni , ka mawza bun chu a lo in khing lo reng reng chu niin! ."Pawn lam landan a puak ti pawh hi chhungril belchian tlakloh an awm anih hi" tiin min ngaihtuah chhunzawm tir ta daih mai.

NLUP Quo vadis

"Kan sawrkar chuan NLUP tha mi Rs. 100,000.00 chhung tinah kan sem ang" ti tu te an sawrkar ta, NLUP chu kalpui tan tur a ni. Pheikhai an vawr a, Mautam sazu lianchi ho an phe leh ta suau suau mai. NLUP lam sawi hmain khawvel tukverh thlir zawk ila.
BBC chuan Somalia ramah World Food Programme (WFP) hnuaia centre thenkhat chu pawisa neihloh avangin an khar tur thu a puang a. ( http://news.bbc.co.uk/2/hi/africa/8256031.stm). World financial Crisis avangin ram hausa ten harsatna namen an tawk mek a, ram retheite tanpui an harsat tan ta. "Khawvel boruak in lumlet dik takloh avangin Spain rama Olive ching mi hausa ten an tuar" tih thawm a lo ri leh a. UNO chuan khawvel ah "Food crisis" a thleng mek a, a thleng zel tur thu a chhuan bawk a. Chutih lai vekin India rama state 10 a district 532 chu a hun taka ruatui a tlak loh avangin khawkhanna hmunah an puang a( http://www.business-standard.com/india/news/252-districts-in-10-statesdrought-affected-fm/71922/on).
Kan ram dinhmun han en hian hmabak a ko hle mai. Kan ramah hian tam thleng ta se, min puitu tur India sawrkar leh khawvel sawrkar dang tam ve ta vek se, engtin nge kan awm ang? Kan thawmhnaw man tamte, kan car man tam te, kan mobile man tam te, kan in ropui te, kan music ngihthlak changkan te zawng zawng hian min chhan thei dawn silo. Changkanna der a ni mai lo maw hetianga changkan hi le?
"NLUP a awm alawm" ti ta la, i rilru chhungril ah chuan a nung lovang. NLUP hmang hian sawrkar hian hma la dawn se khawi lai ram ah nge hma a lak ang? Kan ram a ram ngaw tha lai hi a tam ber chu Sanctuary leh National Park an ni tih i hria em? Ram tha leh mipui mimir in kan hman tangkai theih chu mimal ram a ni vek tawh tih kan hria em?. Lo neitu tan chuan kumtin an lo panna tur kawng zawnchawp a ngai tih i hria em? Mi hausa te chuan an mamawh bak a tam ram an nei a, hmun tin hmun tangah ram an nei fer fur mai. NLUP hi a policy tha mahse hma lakna ber tur ram a hlat a, a van tlat si chuan a hlawhtling dawn lo. Hetiang scheme MIP/NLUP hlawhtling tur chuan Punjab state in India Independence tirh a an tih, "Land Reform Bill" chu kan tih ve vat a ngai a ni. NLUP hi land reform tello chuan engtin nge a kal zel dawn le?

Chanpual hauh a na

Tunalai Aizawl a boruak inmung chu University hna lakna tura advertisement chhuah dan chungchang a zirlaite lawmlohna hi a ni awm e. Mahse helam hi chu sawi a tam tawk tawh a, a dang deuh sawi teh ang. Mizoram ah hian Central Institute a awm ve ta nual a, heng a thawk tur lak dawn hian Central dan dinglai anga SC/ST reservation zat bituk a ni thin. Mizoram ah hian heng Central hnuaia hna thawk tur an lak thar ah hian SC quota a lut 90% hi chu kan thenawm State Manipur atanga lokal an ni ti ila ka sawi sual tam lovang. He thil hi chiang taka ngaihtuah a ngai. He thu hi ka hmu fuh hlauh a,

"The 2001 census report showed that the population of SCs in Manipur had risen by over 200 per cent in just 20 years. This prompted the Lois to point fingers at those who had obtained SC certificates ‘‘fraudulently’’.

http://www.indianexpress.com/oldStory/77644/ atanga lak chhawn, chiang zawka en duh te tan a link hi en mai tur.

Ngaihtuahna ti thui tu tingah IAS officer pension pakhatin SC certificate lem lei tur a awm tih a lo sawi zauh bawk nen.

Kan thenawm State a mi te hi ka hua a nilova, mahse an quality en hian kan ram Zirna in leh Office a thawk tlaklo an tamzia hmuh hi chuan vei a awl duh khawp mai. Manipur ah hian SC chu an awm ngei mai, chungte chu Loi, Yaithabi, Dhobi, Muchi or Rabidas, Namsudra, Patni and Sutradhar (http://ssamanipur.nic.in/SCST.htm) hnam te an ni. Mahse SC quota a an lak tam zawk hi chu 'Singh' tih te an ni leh daih si a.

Heng kan thenawm hnam te hian an State a hna har zia an hria a, thenawm state a SC Qouta chu an awt a, an lo lut ta angah ngaihruat theih a ni. "He thil hi inchimralna chi khat a ni" ti ila kan tisual tam pui lovang.

Engtin nge kan tih tak ang le?

Tlai tla engmawi

Cham rih la tlaitla eng mawi no ri riai..

Tlai khat ka thianpa in leng turin min chah a, ka haw tur min chelh a, thingpui in muan pahin kan titi a. Chutia kan titi lai chuan ka han hawi chhuak a, ka lung a leng ta tlat mai. "Hei hi maw an sawi khawtlang lunglen chu" ti ta ila, ka hun tawn chu ka sawi sual lovang. A leng vawng vawng a ni ber.

Ka haw a, thlalak ka han enlet a, kan ram mawi zia hi hrilhfak tlak a nihzia ka hmu chiang hle mai. Ka rilru a awm leh chu hei hi- He ram hi ka ram a ni, hei lo chu ram dang ka neilo. He ram hi ka hmangaih loh chuan hmangaih tu dang an awm chuanglo. He ram hi ka ram a ni. A chhiat a that ah mawh ka phur a. He ram mawi tak hi ka ram a nih hi!

Vawiin chu

Vawiin chu meeting kan nei a. Sawi ve tur ka hre lo, kei aia hria ten an sawi ngithla a darkar 2 chuang thut chu a ninawm duh kher mai. Chutia ning taka ka thut lai chuan a sir room te ah chuan mei ka zu ru a :). Ban hun a lo nih chuan committee thu mum pawh hre mumal lo chuan ka haw ta a.

Vawiin chu motor a tlan ka chak tlat mai a, traffic awmlohna lamah ka haw a. Haw khawngah chuan Sting feat Sean Paul- Roxanne kha ring tawkin ka ngaithla a, lu ngahahna ah lu nghat der der chungin chak deuh tak hian ka tlan a. A nuam ngei a, ka dam hawk hawk hian ka hria. Chutah Warrant hna- Blind Faith ngei kha a lo ri ta. Midang awm ve heklo, ring luttuka kan zaipui chu ka inthlahrung lek lek mai.

Stress zualpui tih reh nan chuan a tha narawh e.