Chhum zinna piah

Chhum Zinna Piah chuan thih hnu lam ram a kawk ruih mai. Mahse tuna ka han ziah duh chu hringnun khawvel, sur a sa kan tawrhna, tah leh rumna ram zawh hi a ni. He hringnun khawvel ah hian harsatna leh manganna kan tawk thin, chutih hunah chuan ngaihtuahna fim hman a har ngei mai. Kan nun ah chhum a lo zing mup mup a, nunkawng a thhim thin, pen khat pawh hmuh fiah a har ngei mai. Chu hunah chuan huasenna neih a harin nakin a kan inchhir leh na tur thil tih/sawi a awm fo thin. Tui bua a ruh leh theih tawh  siloh, kan nun ah ser a lo awm hlen ta thin.

Chuti chuan chu chhum chu lo zing mahse kian hun a nei a, chhum zinna piah lam ram hi a lo lang  thin. Kha hmun leh hunah khan zing phui mup mahse hmun leh hun  dangah chuan ni eng mawi tak, chhum zinna piah chu a awm a, chu chu a lo lang leh thin tih kan hriat nawn fo a tha e.

A tuilo bon

Hmanni chu eng emaw thilah Aizawl- Guwahati Air India flight in kan kal a, thlawhna a an thil sem tuilohzia mawlh mai kha kan hrilhfak a, a chuan man nen a in phu lo kan ti hle. A thlalak a mi ang hian chhang khawro tak tak pathum, sauce 1 leh tui bottle tereuhte(200ml) min chhawp ve  a(napkin a la tel lo zui), ei a har ngei mai. Coffee/tea tal te han sem se chuan a zia tur. Hmanah daydreambeliever hian a tuiloh zia a hrilfak tawh a, han tawn ve takah chuan a dik ngei mai. 

Thlawhna hrim hrim hi a tet mai bakah a bengchheng em em bawk nen, N-E hi min hmusit ta emaw tih a awl duh ngei mai. Tin, a thu hrim-ah ah Imphal-Aizawl te hi a chuan man a va han sang bik em em ve?A class in ang,  airlines ngai ah Aizawl-Kolkata te, Delhi-Kolkata te  chuan man aiin a to zawk daih bawk!